Sankcyjny śpis z 78 čałaviek i 8 arhanizacyj, jakim zamarožvajucca aktyvy i zabaraniajecca vydača vizaŭ u Eŭraźviaz, budzie siońnia apublikavany ŭ aficyjnym časopisie Eŭraźviazu, takim čynam jon nabudzie moc.
«Svaboda» publikuje ŭvieś sankcyjny śpis Eŭraźviazu:
Sudździ, śledčyja i prakurory
- Natalla Buhuk, sudździa Frunzenskaha rajonu Miensku. Vyniesła prysud žurnalistkam «Biełsatu» Kaciarynie Andrejevaj i Darji Čulcovaj.
- Alina Kaśjančyk, pamočnica prakurora ŭ sudzie Frunzenskaha rajonu, udzielnica palityčna matyvavanych spravaŭ suprać udzielnikaŭ mirnych pratestaŭ.
- Ihar Kuryłovič, staršy śledčy Śledčaha kamitetu ŭ Frunzenskim rajonie Miensku. Adkazny za zaviadzieńnie palityčnych kryminalnych spravaŭ.
- Siarhiej Šaciła, sudździa Savieckaha rajonu Miensku. Adkazvaje za šmatlikija palityčna matyvavanyja pastanovy suprać pratestoŭcaŭ, u pryvatnaści Natalli Chierše, Dźmitryja Hałko i Dźmitryja Karatkieviču.
- Anastasija Ačałava, sudździa Leninskaha rajonu Miensku. Palityčna matyvavanyja prysudy suprać žurnalistaŭ, pratestoŭcaŭ, pensijaneraŭ, u pryvatnaści čalca Kaardynacyjnaj rady Dźmitryja Kruka.
- Maryja Jarochina, sudździa Frunzenskaha rajonu Miensku. Vynosiła palityčnyja prasudy spartoŭcam, prafsajuznym dziejačam, žurnalistam, u pryvatnaści fatohrafu Ŭładziu Hrydzinu.
- Julija Bliźniuk, sudździa Frunzenskaha rajonu Miensku. Vynosiła prysudy suprać žurnalistaŭ, aktyvistaŭ i pratestoŭcaŭ, u pryvatnaści Arciomu Chvaščeŭskamu, Arciomu Saŭčuku, Maksimu Paŭluščyku.
- Anastasija Kulik, sudździa Pieršamajskaha rajonu Miensku. Šmatlikija palityčnyja prysudy, u pryvatnaści adkaznaja za źniavoleńnie Alaksandra Zachareviča.
- Maksim Trusievič, sudździa Pieršamajskaha rajonu Miensku. Palityčnyja prysudy aktyvistam, lideram apazycyi i žurnalistam.
- Taciana Matyl, sudździa Maskoŭskaha rajonu Miensku. Adkaznaja, u pryvatnaści, za prysudy Mikołu Statkieviču i žurnalistu Alaksandru Barazienku.
- Alaksandar Rudzienka, namieśnik staršyni Kastryčnickaha sudu Miensku. Adkazvaje za palityčna matyvavanyja pastanovy suprać žurnalistaŭ, aktyvistaŭ, u pryvatnaści štrafy pensijaneram i invalidam, prysud Ludmile Kazak, advakatcy Maryi Kaleśnikavaj.
- Alaksandar Voŭk, sudździa Savieckaha rajonu Miensku. Prysudy suprać mirnych demanstrantaŭ, u pryvatnaści siostram Anastasii i Viktoryi Mironcavym.
- Volha Niaborskaja, sudździa Kastryčnickaha rajonu Miensku. Vyniesła prysudy Sofji Małaševič i Cichanu Klukaču.
- Maryna Zapaśnik, namieśnica staršyni Leninskaha sudu Miensku. Palityčyja prysudy Ŭładzisłavu Zianieviču, Volzie Paŭłavaj, Volzie Kłaskoŭskaj, Viktaru Barušku, Siarhieju Ratkieviču, Alaksieju Čarvinskamu, Andreju Chrankovu, studentu Viktaru Aktystavu i niepaŭnaletniamu Maksimu Babiču.
- Maksim Fiłataŭ, sudździa ŭ Lidzie, Horadzienskaja vobłaść. Šerah palityčnych sudoŭ, u pryvatnaści prysud Vitoldu Ašurku.
- Andrej Hruško, sudździa Leninskaha rajonu Bieraścia. Vynies šerah palityčna matyvavanych prysudaŭ.
- Dźmitryj Hara, staršynia Śledčaha kamitetu. Niasie adkaznaść za palityčna matyvavanyja kryminalnyja spravy suprać mirnych pratestoŭcaŭ, žurnalistaŭ, zvyčajnych hramadzian. Udzielničaŭ u spravie Siarhieja Cichanoŭskaha.
- Alaksiej Stuk, namieśnik hieneralnaha prakurora. Niasie adkaznaść za palityčnyja represii.
- Hienadź Dysko, namieśnik hieneralnaha prakurora. Udzielničaŭ u inicyjavańni spravy suprać Siarhieja Cichanoŭskaha.
Deputaty
- Śviatłana Lubieckaja, deputatka Pałaty pradstaŭnikoŭ. Na pasadzie staršyni parlamenckaj kamisii pa zakanadaŭstvie adkazvaje za pryniaćcie novaha kodeksu RB ab administracyjnych parušeńniach, jaki dazvalaje advolnyja aryšty i pavyšaje adkaznaść za ŭdzieł u masavych mierapryjemstvach.
- Alaksiej Jahoraŭ, čalec Pałaty pradstaŭnikoŭ, siabra kamisii zakanadaŭstva. Adkazny za pryniaćcie novaha Administracyjnaha kodeksu.
- Alaksandar Amieljaniuk, čalec Pałaty pradstaŭnikoŭ. Siabra kamisii zakanadaŭstva. Adkazny za pryniaćcie novaha Administracyjnaha kodeksu.
- Aleh Hajdukievič, deputat Pałaty pradstaŭnikoŭ, namieśnik staršyni Kamisii pa mižnarodnych spravach.
Dziaržaŭnyja ŚMI i prapahanda
- Andrej Mukavozčyk, palityčny ahladalnik «Biełaruś siehodnia».
- Siarhiej Husačenka, namieśnik staršyni Biełteleradyjokampanii.
- Hienadź Davydźka, čalec Pałaty Pradstaŭniki, staršynia Kamitetu pa pravach čałavieka i ŚMI.
- Volha Čamadanava, pres-sakratarka MUS.
Administracyja VNU
- Siarhiej Skryba, namieśnik rektara Biełaruskaha dziaržaŭnaha ekanamičnaha ŭniversytetu.
- Siarhiej Rubnikovič, rektar Biełaruskaha dziaržaŭnaha medyčnaha ŭniversytetu.
- Alaksandar Bachanovič, rektar Bieraściejskaha dziaržaŭnaha techničnaha ŭniversytetu.
- Michaił Barazna, rektar Biełaruskaj dziaržaŭnaj akademii mastactvaŭ.
Čynoŭniki, funkcyjanery, biznesoŭcy
- Maksim Ryžankoŭ. Pieršy namieśnik staršyni Administracyi prezydenta.
- Dźmitryj Łukašenka.
- Lilija Łukašenka.
- Valeryj Ivankovič. Hieneralny dyrektar «MAZ».
- Alaksandar Šatroŭ. Biznesoviec, uładalnik i dyrektar kampanii Synesis.
- Siarhiej Ciacieryn. Biznesoviec, uładalnik kampanii BELGLOBALSTART, saŭładalnik VIBEL. Staršynia Biełaruskaj federacyi tenisu. Nabližany da atačeńnia Łukašenki.
- Michaił Huceryjeŭ. Rasiejski biznesoviec ź biznes-intaresami ŭ Biełarusi, uładalnik kampanijaŭ Safmar, Słaŭkalij i Słaŭnafta.
- Alaksiej Aleksin. Adzin ź viadučych biznesoŭcaŭ Biełarusi, saŭładalnik Bremino Group. Maje šyrokija intaresy ŭ naftavaj halinie, enerhietycy, nieruchomaści, lahistycy, tytuniovaj halinie.
- Alaksandar Zajcaŭ. Biznesoviec, saŭładalnik Bremino Group i Sohra Group. Były pamočnik Viktara Łukašenki. Jaho kampanii pradstaŭlena prava na ekspart pradukcyi dziaržaŭnych pradpryjemstvaŭ (traktary, hruzavyja aŭtamabili) u Persydzkuju zatoku i afrykanskija krainy.
- Ivan Myślicki. Pieršy namieśničk načalnika Departamena vykanańnia pakarańniaŭ MUS.
- Aleh Bielakoŭ. Namieśnik načalnika Departamenta vykanańnia pakarańniaŭ MUS.
- Uładzisłaŭ Mandryk. Namieśnik načalnika Departamenta vykanańnia pakarańniaŭ MUS. N
- Aleh Łaščynoŭski. Były namieśnik načalnika Departamenta vykanańnia pakarańniaŭ MUS.
- Žana Baturyckaja. Načalnica ŭpraŭleńnia vykanańnia prysudaŭ Departamenta vykanańnia pakarańniaŭ MUS.
- Dźmitryj Strebkoŭ. Načalnik turmy numar 8 u Žodzinie.
- Jaŭhien Šapiećka. Načalnik Centra izalacyi pravaparušalnikaŭ (Akreścina).
- Ihar Kieniuch. Načalnik Izalatara časovaha ŭtrymańnia (Akreścina).
- Hleb Dryl. Namieśnik načalnika Izalatara časovaha ŭtrymańnia (Akreścina).
- Uładzimier Łapyr. Namieśnik načalnika Izalatara časovaha ŭtrymańnia (Akreścina).
- Alaksandar Vasiluk. Kiraŭnik śledčaj hrupy Hałoŭnaha śledčaha ŭpraŭleńnia Śledčaha kamitetu.
- Jaŭhien Archirejeŭ. Kiraŭnik Hałoŭnaha śledčaha ŭpraŭleńnia Śledčaha kamitetu.
- Alaksiej Kaŭryžkin. Kiraŭnik śledčaj hrupy, Hałoŭnaje śledčaje ŭpraŭleńnie Śledčaha kamitetu.
- Alaksandar Ahafonaŭ. Pieršy namieśnik kiraŭnika Hałoŭnaha śledčaha ŭpraŭleńnia Śledčaha kamitetu. Adkazny za pieraśled pa palityčnych matyvach i aryšty Siarhieja Cichanoŭskaha, Mikałaja Statkieviča i Dźmitryja Kazłova.
- Kanstancin Byčak. Načalnik adździełu śledčahaŭpraŭleńnia KDB. Kuryravaŭ palityčna matyvavanaje raśśledavańnie spravy Viktar Babaryki.
- Andrej Bakač. Načalnik Pieršamajskaha RUUS Mienska.
- Alaksandar Pałulech. Načalnik Frunzenskaha RUUS Mienska.
- Alaksandar Zachvicevič. Namieśnik načalnika Frunzenskaha RUUS Mienska.
- Siarhiej Ušakoŭ. Namieśnik načalnikv Frunzenskaha RUUS Mienska.
- Siarhiej Arciomienka. Namieśnik načalnika Pieršamajskaha RUUS Mienska.
- Alaksandar Rydziecki. Były načalnik Kastryčnickaha RUUS Mienska, kiraŭnik upraŭleńnia unutranaj biaśpieki Dziaržaŭnaha kamiteta sudovych ekśpiertyz.
- Dźmitryj Burdziuk. Načalnik Kastryčnickaha RUUS Mienska, były načalnik Partyzanskaha RUUS Mienska.
- Vital Kapilevič. Načalnik Leninskaha RUUS Mienska.
- Kirył Kisłoŭ. Načalnik Zavadzkoha RUUS Mienska.
- Siarhiej Varejka, načalnik Maskoŭskaha RUUS Miensku.
- Siarhiej Dubavik, namieśnik načalnika Leninskaha RUUS Miensku.
- Alaksandar Andryjeŭski, namieśnik načalnika Frunzenskaha RUUS Miensku.
- Vital Makrycki, namieśnik načalnika Kastryčnickaha RUUS Miensku (da 17 śniežnia 2020). Načalnik Partyzanskaha RUUS.
- Jaŭhien Urubleŭski, starejšy siaržant milicyi ŭ Centry izalacyi pravaparušalnikaŭ (Akreścina).
- Mikałaj Karpiankoŭ, namieśnik ministra ŭnutranych spravaŭ, były načalnik HUBAZiK.
- Michaił Hryb, načalnik HUUS Mienharvykankamu.
- Viktar Chrenin, ministar abarony. Adkazvaje za prymusovuju pasadku rejsu Ryanair.
- Ihar Hołub, kamandujučy Vajenna-pavietranymi siłami i vojskami supraćpavietranaj abarony. Adkazvaje za prymusovuju pasadku rejsu Ryanair.
- Andrej Hurcevič, načalnik hałoŭnaha štaba — pieršy namieśnik kamandujučaha VPS i vojskami supraćpavietranaj abarony. Adkazvaje za prymusovuju pasadku rejsu Ryanair.
- Leanid Čuro, hiendyrektar «Biełaeranavihacyi». Adkazvaje za prymusovuju pasadku rejsu Ryanair.
- Alaksiej Aŭramienka, ministar transpartu. Adkazvaje za prymusovuju pasadku rejsu Ryanair.
- Arciom Sikorski, dyrektar adździełu avijacyi Ministerstva transpartu. Adkazvaje za prymusovuju pasadku rejsu Ryanair.
Raniej, u kastryčniku, listapadzie i śniežni Eŭraźviaz uvioŭ try pakiety sankcyj suprać uładaŭ Biełarusi. Abmiežavalnyja zachady tyčacca aficyjnych asobaŭ, a taksama niekatorych pradpryjemstvaŭ. Ahułam u sankcyjnym śpisie tady znajšlisia 84 asoby, jakim zabaronieny ŭjezd u krainy EZ. U śpis uvachodzić Alaksandar Łukašenka, jahony syn Viktar Łukašenka, kiraŭnica CVK Lidzija Jarmošyna, staršynia KDB Ivan Tertel, staršynia Śledčaha kamitetu Ivan Naskievič, hienprakuror Andrej Šved i inšyja siłaviki, a taksama sudździ i čalcy vybarčych kamisijaŭ.
Siarod inšaha, EZ uvioŭ sankcyi suprać jurydyčnych asobaŭ: ZAT «Biełtechekspart», «Dana Chołdynhz/Dana Astra», Kiraŭnictva spravaŭ prezydenta Biełarusi, TAA «Sinezis», AAT «AHAT — elektramechaničny zavod», AAT «140-y ramontny zavod» i AAT «Mienski zavod kołavych ciahačoŭ».
0
0
0
0
0
0
