Aściarožna, klaščy! Płakat z papiaredžańniem na drevie na Minskim mory. Fota: Naša Niva
Klaščy zvyčajna aktyŭnyja z sakavika pa listapad, a asabliva ŭ našym pojasie — ad kanca krasavika da pačatku červienia i ŭ vieraśni. Žyvuć jany ŭ lasach, na łuhach i ŭ haradskich parkach. Taksama lubiać bałoty.
Heta značyć, što ŭvieś čas my pavinny być pilnymi i ŭvažliva ahladać svajo cieła i vopratku paśla kožnaj prahułki na pryrodzie.
Važny i viadomy sposab paźbiehnuć ukusu klašča — pravilna apranucca. Kali vy źbirajeciesia ŭ les, lepš nadzieć doŭhija štany i zakryty abutak, zapravić štany ŭ škarpetki.
A leśniki padkazvajuć efiektyŭny sposab pazbycca klaščoŭ na adzieńni, kali vy tak apranalisia. Źniać klaščoŭ dapamoža valik dla čystki adzieńnia.
Ilustracyjnaje fota: ebay.co.uk
Jon nie tolki vydalaje pył i vors, ale źbiare z našaj vopratki i nasiakomych. Paśla prahułki prosta staranna ačyścicie svaje rečy.