«Dakładnaj infarmacyi ab ustanaŭleńni «žaleznaj zasłony« z boku našych susiedziaŭ u nas niama. Viadoma ž, kali ŭ ich jašče zachoŭvajecca paniaćcie ab miždziaržaŭnym uzajemadziejańni, heta zasłona nie apuścicca, bo punkty propusku pryznačany ŭ pieršuju čarhu dla znosin pamiž ludźmi, dla ekanamičnych uzajemasuviaziaŭ, kulturnych i hetak dalej. Tamu ja spadziajusia, što z boku susiednich dziaržavaŭ hetaha nie adbudziecca», — zajaviŭ jon.
Mołastaŭ padkreśliŭ, što «my — adkrytaja kraina», a pamiežniki zaŭsiody hatovyja zabiaśpiečyć pracu punktaŭ propusku.
Taksama jon prakamientavaŭ čerhi na miažy. Asnoŭnymi pryčynami čerhaŭ jon nazvaŭ zakryćcio aŭtamabilnych punktaŭ propusku i «nierytmičnuju pracu pamiežnikaŭ i mytnych słužbaŭ» sumiežnych krain.
«Dachodzić da taho, u apošnija sutki ŭ adnym z punktaŭ propusku, dapuścim, ad normy, jakaja była dasiahnutaja ŭ vyniku damoŭlenaściaŭ, sumiežny bok pryniaŭ tolki 20% aŭtamabilaŭ. Voś vam i pryčyna čerhaŭ, jakija ŭźnikajuć», — zajaviŭ kiraŭnik DPK. Jon skazaŭ, što biełaruskija pamiežniki zaklikajuć zamiežnych kalehaŭ «da narmalnaj pracy».
Čytajcie taksama:
Rasijanin znajšoŭ čužy pašpart i pasprabavaŭ pa im vylecieć ź Minska ŭ Jerevan. A raptam pašancuje?
