Z pačatku ŭzbrojenaha kanfliktu ŭ Izraili CHAMAS pačaŭ atrymlivać bolš kryptavaluty ŭ vyhladzie achviaravańniaŭ dla finansavańnia svaich vajennych apieracyj, piša The Wall Street Journal.
ZŠA i ES vyznačajuć CHAMAS, jaki kantraluje Siektar Haza, jak terarystyčnuju arhanizacyju. Mižnarodnyja sankcyi vymusili CHAMAS niekalki hadoŭ tamu šukać mietady finansavańnia pa-za miežami mižnarodnaj bankaŭskaj sistemy. Kryptavaluty vyhadnyja CHAMAS jašče i tym, što tranzakcyi mohuć zastavacca ananimnymi, i ich amal nie adsočvajuć.
Pradstaŭnik CHAMAS admoviŭsia paviedamić, kolki mienavita kryptavalut atrymała arhanizacyja, ale adznačyŭ, što ich dola ŭ ahulnym biudžecie hrupoŭki raście.
ZŠA śćviardžajuć, što prychilniki CHAMAS za apošnija hady pieraviali sotni miljardaŭ dalaraŭ u arhanizacyju.
Vajennyja sutyknieńni, jakija śviet naziraŭ u minułym miesiacy, źjaŭlajucca dla CHAMAS katalizataram dla achviaravańniaŭ. Terarystyčnyja arhanizacyi tradycyjna vykarystoŭvajuć u taki čas zakliki, kab stymulavać zbor srodkaŭ.
U pieryjad z 10 da 20 maja, kali adbylisia sutyknieńni pamiž CHAMAS i Izrailem, na veb-sajcie alqassam.ps nazirałasia značnaje pavieličeńnie trafiku, što śviedčyć pra doŭhuju prysutnaść naviedvalnikaŭ na sajcie. Alqassam.ps prapanoŭvaje naviny, infarmacyju pra hrupoŭku i jaje dziejnaść, a taksama parady, jak pravieści tranzakcyi ananimna.
