Ideja dla śniadanka: amlet z tvarožnym syram i zielaninaj u łavašy 1

Fota: en.ipepper.org

Kab pryhatavać amlet u łavašy, spatrebicca:

• 3 jajki
• 30 h masła
• 30 h cybuli
• 20 h piatruški
• 60 h tvarožnaha syru
• 1 łavaš
• sol
• čorny mołaty pierac

Jak hatavać:

1. Napačatku zdrabnicie cybulu (lepš nie zialonuju, a z hałoŭki) i liście piatruški.
2. Z łavaša vyrazajem koła, jakoje adpaviadaje dyjamietru patelni (u jakaści šabłona možna vykarystać nakryŭku ad patelni abo talerku)
3. Nahravajem masła na patelni. Na nievialikimi ahni tušym kavałački cybuli da prazrystaści, a potym absmažvajem biez nakryŭki da śvietła-załacistaha koleru.
4. Raźbicie jajki ŭ patelniu. Žaŭtki možna pakinuć cełymi ci źlohku raściahnuć — jak vam padabajecca. Kali dyjamietr patelni nie nadta vialiki, vykarystoŭvajecie tolki dva jajki.
5. Dadajcie da jajek pałovu tvarožnaha syru. Raźbicie jaho na nievialikija kavałački.
6. Dajcie jajkam źlohku astyć, potym łapatkaj pieramiašajcie źmieściva patelni da adnastajnaj masy i sfarmujcie koła.
7. Pasalicie i papierčycie jaječnuju sumieś. Vykładvajem na jaje narezanuju piatrušku i kavałački syru, što zastalisia.
8. Blin łavaša kładuć na jaječnuju masu i źlohku pryciskajuć dałońniu. Smažcie amlet 2—3 chviliny.
9. Zatym nakryjcie jaho nievialikaj roŭnaj talerkaj, pieraviarnicie i pierakładzicie znoŭ na patelniu. Praciahvajem hatavać amlet u łavašy na siarednim ahni jašče 2—3 chviliny.
10. Hatovuju stravu treba pierakłaści na šyrokuju roŭnuju talerku i skłaści napałam. Pry žadańni možna pasypać nievialikaj kolkaściu papryki i razrezać na dźvie-try častki. U jakaści dadatku možna taksama vykarystać tvarožny syr ź zielaninaj.

Čytajcie taksama:

Top amletaŭ, jakija nie pakinuć vas abyjakavymi. Recepty

Łavaš-roły z kurycaj i kukuruzaj — pierakus, jaki zručna ŭziać z saboj, kudy b vy ni vypravilisia

Chatni varyjant chačapury — prostyja hruzinskija bliny na kiefiry

4

1

3

0

3

2

Nashaniva.com