Pandemija akazvaje dosyć mocny cisk na biudžet krainy. Pra heta raspavioŭ u intervju ANT ministr finansaŭ Juryj Sielivierstaŭ.
Pavodle infarmacyi kiraŭnika viedamstva, finansavaja sistema Biełarusi płanava skončyła 2020 hod.
Ministr paviedamiŭ, što pandemija akazvaje dosyć mocny cisk na biudžet krainy. «Kali razhladać biudžety paasobku — abłasny, rajonny i respublikanski — to, na kožny ź ich jana akazvaje svoj upłyŭ. Tak zvanyja kavidnyja nadbaŭki lekaram, jakija pracujuć u čyrvonaj zonie, u asnoŭnym vypłačvajucca na rajonnym uzroŭni, i heta vialiki cisk na vydatki. Što tyčycca respublikanskaha biudžetu, to Ministerstva achovy zdaroŭja tradycyjna bolšuju častku zakupak ažyćciaŭlaje centralizavana, heta nieabchodnaść zakupak srodkaŭ indyvidualnaj achovy, miedykamientaŭ, dadatkovyja miedaparaty, a heta taksama nahruzka na biudžet», — rastłumačyŭ jon.
Razam z tym, pa słovach kiraŭnika ministerstva, biudžet krainy spraŭlajecca z hetaj nahruzkaj.
«U nas vybudavanaja vyraznaja sistema: kali adzin z uzroŭniaŭ biudžetu nie moža ŭ poŭnym abjomie sfarmavać tyja dachody, kab zabiaśpiečyć raschodnyja abaviazacielstvy, jamu dapamahaje vyšejstajačy biudžet. Była pastaŭlena zadača nie dapuścić, kab niejki ź pieršačarhovych vydatkaŭ nie byŭ prafinansavany, tamu ŭsie hetyja vydatki ŭ poŭnym abjomie vykonvajucca», — padkreśliŭ Juryj Sielivierstaŭ.
