U ZŠA zaviaršylisia prezidenckija vybary. Jany tam nie pramyja (choć ludzi hałasujuć na ŭčastkach), a prachodziać praz Kalehiju vybarščykaŭ (kali ŭsie hałasy, addadzienyja vybarcami za kandydata, addajucca pieramožcy ŭ hetym štacie).
U Kalifornii 55 hałasoŭ u kalehii, Techasie — 38, u Ajdacha — 3. Usio zaležyć ad kolkaści nasielnictva i adpaviedna pradstaŭnikoŭ u Kanhresie. Kab pieramahčy, treba nabrać 270 hałasoŭ kalehii vybarščykaŭ (usiaho tam 538 čałaviek).
Jak śviedčać anłajn-karty (a taksama tut), pa stanie na 11:30 u Bajdena 238 hałasoŭ, u Trampa — 213, dziakujučy pieramozie ŭ Techasie (38), Fłarydzie (29 hałasoŭ), Ahajo (18).
Adnak dziejučamu prezidentu, mahčyma, piarojduć hałasy (jany pakul nie ŭličanyja) u Piensilvanii, Viskonsinie, Mičyhanie, Nievadzie, stanovišča 50 na 50 u Paŭnočnaj Karalinie i Džordžyi (a heta ad 52 da 83 hałasoŭ) i jak vynik 263-296 hałasoŭ Kalehii vybarščykaŭ pry nieabchodnych 270.
Tramp pieramoh u adnym z klučavych štataŭ Fłarydzie (29 hałasoŭ) i Ahajo (18 hałasoŭ). Raniej, chto pieramahaŭ u hetych štatach, to vyjhravaŭ vybary całkam). Taksama Tramp pieramahaje ŭ rodnym dla Bajdena štacie Piensilvanija
Tramp užo nazvaŭ siabie ŭ tvitary pieramožcam.
«Jany sprabujuć skraści ŭ nas vybary, — praciahnuŭ Tramp. — Ale my im hetaha nie dazvolim. Nielha hałasavać, kali ŭčastki ŭžo začynienyja».
Napisaŭ Tramp, ale tvitar jaho post vydaliŭ, potym viarnuŭ, a potym znoŭ vydaliŭ.
U svaju čarhu Bajden źviarnuŭsia da vybarcaŭ.
«My viedali, što heta nadoŭha (…) My na šlachu da pieramohi, ale jašče treba pačakać», - zajaviŭ Bajden. Pa jaho słovach, ab pieramozie treba abviaścić nie jamu i nie jaho supierniku Trampu. Jon dadaŭ, što kančatkovyja vyniki vybaraŭ mohuć być nieviadomyja da ranicy sierady, 4 listapada, pa miascovym časie, ci navat paźniej.
U ZŠA z-za pandemii karanavirusa vialikaja kolkaść prahałasavali pa pošcie daterminova (97 miljony), mahčyma, heta paŭpłyvaje na kančatkovy vynik. Niekatoryja štaty zajavili, što padlik moža zaciahnucca na sutki.
***
Čyrvonyja štaty — pieramoh Tramp, sinija — Bajden. Ružovyja, dzie pa padlikach pieramaje Tramp. Jak bačym za Bajdena prahałasavali štaty na paŭnočnym uschodzie ZŠA (Novaja Anhlija), Ńju-Jork, Ńju-Džersi, Mierylend, Indyjana, a taksama zachodniaje ŭźbiarežža z Kalifornijaj, Arehonam i Vašynhtonam. Tramp pieramoh na Poŭdni, centralnych štatach dy inšych
Tramp pieramahaje ŭ Kientuki (8 hałasoŭ vybarščykaŭ), Indyjanie (11 hałasoŭ), Zachodniaj Virdžynii (5 hałasoŭ), Tenesi (11 hałasoŭ), Arkanzasie (6 hałasoŭ), Paŭdniovaj Dakocie (3 hałasy), Paŭnočnaj Dakocie (3 hałasy), Paŭdniovaj Karalinie (9 hałasoŭ), Ałabamie (9 hałasoŭ), Jucie (6 hałasoŭ), Misury (10 hałasoŭ), Niebraska (4 hałasy ź piaci), Misisipi (6 hałasoŭ), Vajominhu (3 hałasy), Ahajo (18 hałasoŭ), Akłachomie (7 hałasoŭ), Ajovie (6 hałasoŭ), Techasie (38 hałasoŭ), Mantanie (3 hałasy), Ajdacha (4 hałasy), jucie (6 hałasoŭ), Kanzasie (6 hałasoŭ) i Fłarydzie (29 hałasoŭ) razam: 211 hałasoŭ
Bajden vyjhraje ŭ Virdžynii (13 hałasoŭ), Masačusestie (11 hałasoŭ), Dełavery (3 hałasy), Meryłendzie (10 hałasoŭ), akruzie Kałumbija (3 hałasy), Kanektykucie (7 hałasoŭ), Ńju-Džersi (14 hałasoŭ), Kałarada (9 hałasoŭ), Ńju-Hempšyry (4 hałasy), Ilinojsie (20 hałasoŭ), Niebraska (1 hołas ź piaci), Kalifornii (55 hałasoŭ), Arehonie (7 hałasoŭ), Vašynhtonie (12 hałasoŭ), Ńju-Miechika (5 hałasoŭ), Havajach (4 hałasy), Ńju-Jorku (29 hałasoŭ), Miniesocie (10 hałasoŭ) i Viermoncie (3 hałasy) razam: 220 hałasoŭ
