Artur Piadźko
Sud prajšoŭ 12 krasavika ŭ zakrytym režymie, a jahonyja vyniki stali viadomyja tolki ciapier. Biełarusa vinavacili ŭ tym, što jon źliŭ telehram-kanałam asabistyja danyja bolš za 500 słužbovych asob, jani paśla źjavilisia ŭ «Čornaj knizie Biełarusi» (ČKB).
Akramia turemnaha terminu, mužčyna pavinien vypłacić hrošy pa pazovach «paciarpiełych» ahulnaj sumaj bolš za 100 tysiač dalaraŭ.
Arturu Piadźko ciapier 43 hady, jon ź Minska. Doŭhi čas mužčyna pracavaŭ u enierhasietkach — spačatku inžynieram na «Biełenierhasietkaprajekcie», a paśla ŭ «Minskenierha». Taksama jon mieŭ nievialikuju padpracoŭku — handlavaŭ kaśmietykaj u Minsku praz sacsietki.
Zatrymali Piadźko 25 listapada 2022 hoda, paśla taho jon utrymlivaŭsia ŭ SIZA-1 (na Vaładarcy).
Prysud jamu vynies Siarhiej Chrypač, viadomy tym, što razhladaŭ šmat palityčnych spravaŭ, u tym liku spravu ab nibyta padpale doma Hajdukieviča. Siarod asudžanych Chrypačom — Vadzim Chraśko, jaki pamior u kałonii 9 studzienia 2024 hoda.
Čytajcie taksama:
U Breście asudzili jašče dvuch čałaviek pa karahodnaj spravie
Stalinist z Tałačynskaha rajona aburyŭsia praktykaj, za jakuju ŭ Biełarusi asudzili tysiačy čałaviek
Na volu vyšli palitźniavolenyja Leŭ Cialipka i Raman Hvaździołka
