Učora było zajaŭlena, što Armienija i Azierbajdžan zaklučyli pieramirje ŭ Karabachu, a siońnia Baku i Jerevan abvinavacili adno adnaho ŭ jaho parušeńni.
«Niahledziačy na abviaščeńnie novaha humanitarnaha spynieńnia ahniu ŭ 00.00 18 kastryčnika, uzbrojenyja siły Armienii ŭ čarhovy raz hruba parušyli pahadnieńnie», — havorycca ŭ paviedamleńni vajennaha viedamstva Azierbajdžana.
Pavodle źviestak Baku, nočču armianskija vajskoŭcy abstralali ź minamiotaŭ i artyleryi navakolli Džebraiła i sioły na race Araz. Siarod asabistaha składu azierbajdžanskaj armii paciarpiełych niama, dadali ŭ Minabarony.
«Našymi padraździaleńniami pryniatyja adekvatnyja miery reahavańnia,» — adznačyli ŭ viedamstvie.
Raniej pradstaŭnik Minabarony Armienii Šušan Ściepanian abvinavaciła Azierbajdžan u parušeńni režymu spynieńnia ahniu. Pa jaje dadzienych, praciŭnik ździejśniŭ artyleryjski abstreł ŭ paŭnočnym kirunku i rakietny abstreł u paŭdniovym kirunku.
