Śviatłana Cichanoŭskaja zajaviła, što sankcyi ES suprać biełaruskich aficyjnych asob nieabchodnyja dla akazańnia padtrymki biełaruskamu narodu, zaklikała Jeŭropu dziejničać śmialej na hetym kirunku, piša interfax.by.
«Jeŭrapiejskija krainy viedajuć, što takija sankcyi nieabchodnyja. Sustreča, jakaja adbyłasia ŭ paniadziełak (kiraŭnikoŭ dziaržaŭ i ŭradaŭ JEZ — IF), — tolki adzin etap, buduć i inšyja. Ale Jeŭropa pavinna być bolš śmiełaj. Vy bačycie, nakolki biełaruski narod advažny i toje, za što jon zmahajecca», — skazała Cichanoŭskaja ŭ intervju haziecie «Fiharo».
Na pytańnie ab tym, čamu pavinny być uviedzienyja sankcyi piersanalna suprać Alaksandra Łukašenki, jana skazała: «Dla taho, kab jon zrazumieŭ, što Jeŭropa nie pakinie jaho złačynstvy biespakaranymi i što jana adchilaje mahčymaść vykarystańnia hvałtoŭnych dziejańniaŭ u dačynieńni da ŭłasnaha naroda».
Akramia taho, Cichanoŭskaja padkreśliła, što ŭsia adkaznaść za situacyju ŭ krainie lažyć vyklučna na Łukašenku.
«Kali Łukašenka choča znajści adkaznaha za toje, što adbyvajecca ŭ krainie, dastatkova, kab jon pahladzieŭ u lusterka», — skazała jana.
«Adziny sposab prymusić jaho zdać pazicyi — heta cisk: demanstracyi, zabastoŭki, uździejańnie inšych krain, ABSIE. Finansavaja padtrymka hetamu režymu pavinna spynicca, kab jon nie moh bolš apłačvać pasłuhi milicyjantaŭ, napadnikaŭ na demanstrantaŭ. Patrebny dyjałoh, kab paźbiehnuć paharšeńnia palityčnaha i ekanamičnaha kryzisu», — ličyć Cichanoŭskaja.
