Alaksandr Łukašenka vykazaŭsia pra supraćstajańnie pamiž ZŠA i Kitajem. Frahmient jaho vystupu pakazali ŭ efiry telekanała BT-1.
Alaksandr Łukašenka kanstatavaŭ, što amierykancy pačali hublać pazicyi. Jon pryznaŭsia, što časam simpatyzuje Donaldu Trampu, ale nie moža pahadzicca z tym, što toj adkryŭ usie franty i vajuje z usim śvietam.
«Kali jaho dziaržsakratar [Majkł Pampiea] byŭ u mianie, my ź im abmiarkoŭvali hetuju temu, i ja jamu zadaŭ pytańnie, kali sam-nasam sustrakalisia: «Vy navošta vajujecie z usim śvietam? Heta vam doraha budzie kaštavać. Navošta vy adkryli front suprać Rasii?» U vajennych adnosinach Rasija kraina mahutnaja», — zaŭvažyŭ Łukašenka.
Jon dadaŭ, što idzie nie tolki handlovaja vajna — pa ŭsim uschodnim, paŭdniova-ŭschodnim uźbiarežžy amierykancy akružajuć Kitaj.
Pavodle jaho słoŭ, amierykancy aktyvizavali ŭsie siły vakoł Kitaja i stymulujuć biazładździe ŭnutry krainy.
