Zdareńnie adbyłosia ŭ Kryčaŭskim rajonie ŭ v. Svadkavičy 5 listapada, piša SK.
Kampanija maładych ludziej ŭ adnym z damoŭ piła. Unačy 18-hadovy chłopiec pračnuŭsia ad vostraha bolu i vyjaviŭ, što jaho 20-hadovy znajomy ŭ stanie ałkaholnaha apjanieńnia adkusiŭ jamu častku pravaha vucha. Dziaŭčyna, jakaja znachodziłasia ŭ kampanii, akazała paciarpiełamu pieršuju dapamohu, a haspadar doma vyklikaŭ milicyju.
Ale pryšyć častku vucha daktary nie zmahli, bo maładyja ludzi pa darozie ŭ balnicu jaje zhubili.
Pa vynikach sudova-miedycynskaj ekśpiertyzy naniesienyja maładomu čałavieku cialesnyja paškodžańni źjaŭlajucca ciažkimi pa prykmiecie abiaźviečvańnia tvaru. Taksama na tvary paciarpiełaha vyjaŭleny rany i siniaki, ukušanyja rany na palcy ruki.
Kryčaŭskim rajonnym adździełam u dačynieńni da padazravanaha raspačata kryminalnaja sprava pa č.1 art.147 (pryčynieńnie ciažkaha cialesnaha paškodžańnia). U chodzie dopytu patłumačyć pryčynu svaich pavodzin jon nie zmoh, spasyłajučysia na mocnaje ałkaholnaje apjanieńnie