Nie mienš za piać čałaviek zahinuli na Bahamskich vyspach z-za ŭrahanu «Daryjan». Pra heta paviedamiła ŭ paniadziełak ahienctva Associated Press sa spasyłkaj na premjer-ministra Sadružnaści Bahamskich Astravoŭ Chjubierta Minisa, piša tass.ru.
Źjavilisia strašnyja VIDEA taho, što robicca na Bahamach, dzie lutuje ŭrahan «Daryjan»
Pa słovach premjera, achviarami stychii na astravach Abaka na poŭnačy archipiełaha stali da ciapierašniaha momantu nie mienš za piać čałaviek. Raniej miascovaja hazieta Bahamas Press paviedamiła, što z-za «Daryjana» taksama na astravach Abaka zahinuŭ siamihadovy chłopčyk. 28 žniŭnia ahienctva EFE paviedamiła, što achviaraj stychii ŭ Puerta-Ryka staŭ mužčyna stałaha vieku.
Epicentr urahanu znachodziŭsia za 170 km na ŭschod ad Pałm-Bič (štat Fłaryda) i nie ssoŭvaŭsia. Pavodle acenak mietearołahaŭ, chutkaść vietru ŭ paryvach dasiahaje 63,8 m/s.
Ranicaj u aŭtorak urahan, siła jakoha ciapier dasiahnuła 4-j katehoryi pa škale Safira-Simpsana, pavinien, pavodle acenak ekśpiertaŭ, nablizicca da ŭźbiarežža amierykanskaha štata Fłaryda.
