MZS Biełarusi viečaram 1 lipienia paviedamiŭ pra ciažkaści z vyletam biełaruskich turystaŭ z Kijeva rejsami avijakampanii BravoAirways i AndaAir.
Pavodle źviestak MZS, admienieny rejsy z Kijeva ŭ Alikante, Lublin, Tunis, Tyranu, Šarm-el-Šejch. Zatrymanyja vylety ŭ Antaliju i Batumi.
MZS rekamienduje biełarusam pierad vyletam źviazacca sa svaimi turapieratarami, piša TUT.BY.
Sajt aeroporta «Kijeŭ»
Raniej ministr infrastruktury Ukrainy Uładzimir Omielan rastłumačyŭ, što prablemy źviazanyja z machlarstvam turapieratara «Aazis», jaki nie raźličyŭsia z kampanijaj Bravo Airways za avijapieraloty. Doŭh składaje 1 miljon dalaraŭ.
Niekalki tysiač turystaŭ zatrymalisia ŭ aeraporcie «Žulany» (aficyjna nazyvajecca «Kijeŭ») z-za admieny rejsaŭ, paviedamlaje RBK-Ukraina. Niekatoryja rejsy zatrymlivajucca ŭžo druhija sutki. Pasažyram paviedamili pra zatrymku rejsaŭ pa techničnych pryčynach.
