Biełaruś zaklikaje ES da admieny rešty abmiežavalnych zachadaŭ. Pra heta zajaviŭ ministr zamiežnych spraŭ Biełarusi Uładzimir Makiej siońnia na sustrečy z pasłami pa asobych daručeńniach krain — členaŭ ES pa spravach «Uschodniaha partniorstva»
«My škadujem, što ŭ lutym Jeŭrasajuz pradoŭžyŭ abmiežavalnyja miery ŭ dačynieńni da Biełarusi, jakija ŭžo daŭno stracili jakoje-niebudź racyjanalnaje tłumačeńnie. U suviazi z hetym my praciahvajem zaklikać Jeŭrasajuz źniać astatnija abmiežavalnyja miery», — skazaŭ ministr.
Uładzimir Makiej padkreśliŭ, što pazityŭnaje supracoŭnictva za apošnija niekalki hadoŭ prynieśli značna bolš stanoŭčych vynikaŭ, čym papiarednija dva dziesiacihodździ sankcyj.
U jakaści kroku pa źniaćci abmiežavalnych mier jon adznačyŭ vyklučeńnie spartyŭnaj zbroi sa zbrojnaha embarha. Kiraŭnik MZS taksama vitaŭ namiery ES pašyrać adnosiny ź Biełaruśsiu i pastavić ich na strukturavanuju asnovu.
