Fotazdymak Marsa z MKS
Navukoŭcy paviedamlajuć, što Mars nieprydatny dla isnavańnia mikraarhanizmaŭ praz najaŭnaść na pavierchni płaniety chimičnych złučeńniaŭ, zvanych pierchłaratami. Hetyja rečyvy źjaŭlajucca solami chłorkavaj kisłaty i atrutnyja dla žyvych istot.
Pa słovach śpiecyjalistaŭ, aksidy žaleza i pieraksid vadarodu, jakija taksama isnujuć na Marsie, uzmacniajuć uździejańnie pierchłarataŭ, paskarajučy śmierć bakteryj u 10,8 razy.
Pierchłaraty byli znojdzienyja na Marsie ŭ 2008 hodzie, kali spuščany na płanietu aparat «Fieniks» pravioŭ analiz chimičnaha składu marsijanskaha hruntu. Akazałasia, što kancentracyja złučeńniaŭ u hlebie składała 0,4-0,6%. Heta značeńnie paćvierdzili proby, uziatyja marsachodam Curiosity. Uličvajučy, što na pavierchniu płaniety padaje ultrafijaletavaje vypramieńvańnie, takoje ŭtrymańnie pierchłarataŭ moža stać pryčynaj adsutnaści na joj inšapłanietnych formaŭ žyćcia.
Čytajcie taksama: Iłan Mask apublikavaŭ płan asvajeńnia Marsa: «Na Ziamli čałaviectvu nieminuča pahražaje vymirańnie»
