Da haspadara ahrasiadziby «Haścina», u jakoj 27 traŭnia zaplanavanyja tvorčaja sustreča i kancert Źmitra Vajciuškieviča, pryjechali čatyry majory ź Lidzkaha RAUS.
Pra heta paviedamlaje ŭ Fejsbuku adzin z arhanizataraŭ kancertu Valer Miniec.
Jon piša, što pradstaŭniki pravaachoŭnych orhanaŭ pahražali haspadaru ahrasiadziby prablemami z padatkovaj inspekcyjaj, patrabavali pradstavić dazvoł na praviadzieńnie mierapryjemstva.
«My nie chavalisia, zaprašali na viečarynu praz Fejsbuk i niekatoryja hazety. Viečaryna budzie z volnym uvachodam, adbyvacca budzie na pryvatnaj terytoryi. Razam z tym milicyjanty nastojliva paraili nie pravodzić sustreču i kancert. Pahražali padatkovaj inspekcyjaj. Padstava — niesankcyjanavanaje masavaje mierapryjemstva, čym, na dumku milicyi źjaŭlajecca hetaja impreza», — skazaŭ Svabodzie inšy arhanizatar kancertu Vitold Ašurak.
Jon dadaŭ, što dziejańni milicyi nia stanuć pryčynaj dla admieny kancertu.
Sam Źmicier Vajciuškievič taksama kaža, što kancert jaho adbudziecca pry lubych umovach:
«Ja i sam ułaśnik ahrasiadziby. Viedaju, što kali kolkaść haściej nie pieravyšaje 100 čałaviek, to na hetaje mierapryjemstva nia treba nijakich dazvołaŭ. Tamu ja dumaju, što milicyjanty prosta padstrachoŭvajucca. Ale ja prosta chaču sustrecca ź miascovaj publikaj, a klikać nikoha na lidzkuju płošču nie źbirajusia. Mnie zdajecca, što hetyja čatyry majory pavinny łavić kryminalnikaŭ, a nie zajmacca hetym kancertam».
