Da 16 čałaviek pavialičyŭsia śpis zatrymanych u «spravie patryjotaŭ», pra jakich svajakam, advakatam i pravaabaroncam viadoma, što im vystaŭlena abvinavačańnie pa 3 častcy 293 artykuła KK — heta navučańnie i padrychtoŭka asobaŭ dla ŭdziełu ŭ masavych biesparadkach. Ciapier da śpisu dadalisia Viktar Daniłaŭ i Andrej Dundukoŭ.
Pra toje, što Viktaru Daniłavu vystavili abvinavačańnie, paviedamiła jahonaja niaviesta Jula Bukštynovič.
«Učora maci Viktara razmaŭlała z advakatam, jaki pryjšoŭ z KDB, i toj paviedamiŭ, što abvinavačańnie vystaŭlenaje. Skazaŭ jašče, što psychičny stan Viktara narmalny, nijakich histeryk, trymajecca dobra. Bolš infarmacyi niama. Raniej ja atrymała ad jaho list. Jon paviedamiŭ, što ź im usio narmalna, šmat čytaje, u pryvatnaści Balzaka, ni na što nia skardziŭsia», — kaža Jula Bukštynovič.
Pra abvinavačańnie, vystaŭlenaje Andreju Dundukovu, paviedamiła Nina Šydłoŭskaja.
«Razmaŭlała z žonkaj Andreja, i taja skazała, što pryjšoŭ ad jaho list, u jakim Andrej paviedamiŭ, što i jamu vystavili abvinavačańnie. Usio astatniaje jak va ŭsich».
Takim čynam, śpis tych, kamu vystaŭlena abvinavačańnie pavodle 3 častki 293 artykuła, vyhladaje ciapier hetak:
- Alaksiej Abramaŭ
- Andrej Bialaŭski
- Jury Huryn
- Viktar Daniłaŭ
- Źmicier Daškievič
- Andrej Dundukoŭ
- Ivan Kavalčuk
- Andrej Komlik-Jamacin
- Mirasłaŭ Łazoŭski
- Mikałaj Michalkoŭ
- Dźmitry Novik
- Jaŭhien Pałtaržycki
- Siarhiej Palčeŭski
- Uładzimier Rumiancaŭ
- Siarhiej Strybulski
- Alaksandar Jaŭdacha
Na sajcie KDB dahetul aficyjna nie paćvierdžana vystaŭleńnie abvinavačańniaŭ zatrymanym.
Apošni ŭ śpisie zatrymanych pa «spravie patryjotaŭ» — Viktar Maroz, jakoha supracoŭniki KDB zatrymali 3 krasavika. Źviestak pra jahonaje dalejšaje pracesualnaje stanovišča pakul niama.
9 z raniej zatrymanych hramadzian ciaham apošnich dzion byli vyzvalenyja. Apošnim adpuścili Siarhieja Kuliniča z partyi «Narodnaja hramada».
Pavodle 3 častki 293 artykuła KK pahražaje da 3 hadoŭ pazbaŭleńnia voli.
