Palitołah Alaksandr Špakoŭski ŭ siabie ŭ fejsbuku zachoplena adhuknuŭsia na pryznačeńnie kiraŭnika Kampartyi ministram adukacyi. Špakoŭski zaklikaje «zaraz jašče pačyścić Ministerstva kultury, struktury Akademii navuk, humanitarnyja fakultety VNU». «Heta realizacyja našaha płana bić savieckaj idejaj pa ŭsim vidam nacyjanalizmu», — abviaščaje Špakoŭski.
«Čystkami» ŭ epochu «Vialikaha teroru» nazyvali represii suprać niepažadanych elemientaŭ.
«Savieckaja ideja» kultyvujecca tolki ŭ Biełarusi. Astatnija krainy byłoha SSSR, u tym liku Rasija, budujuć ułasnuju nacyjanalnuju identyčnaść. Mnohija navukoŭcy ličać, što kultyvacyja «savieckaj idei» niepaźbiežna pryviadzie ŭ budučyni da likvidacyi niezaležnaści Biełarusi jak krainy biez asobnaj tojesnaści.
Alaksandr Špakoŭski ličycca ŭ svaim asiarodku prabiełaruskim, u adroźnieńnie ad zachodnierusaŭ. Špakoŭski ŭmieje havaryć pa-biełarusku i ŭ svoj čas vykładaŭ pryncypova pa-biełarusku. U adroźnieńnie ad Alaksieja Dziermanta i aryštavanych publicystaŭ Alimkina, Paŭłaŭca i Šyptenki, jon nie supracoŭničaŭ z Rehnumam. Pry hetym jon uvieś čas piša na finansavany Maskvoj sajt Sputnik, dzie hanarary našmat pieravyšajuć siaredniebiełaruski ŭzrovień.
