Eks-kandydaty ŭ prezidenty Biełarusi Ryhor Kastusioŭ i Aleś Michalevič abvinavacili staršyniu Savieta Fiederacyi Fiederalnaha schodu Rasii Valancinu Maćvijenka va ŭmiašańni va ŭnutranyja spravy Biełarusi. Pra heta havorycca ŭ liście, nakiravanym palitykami staršyni vierchniaj pałaty rasijskaha parłamienta.
Valancina Maćvijenka i Michaił Miaśnikovič padčas naviedvańnia vystavy «BIEŁAHRA-2016». Fota: Raman Ščarbakoŭ
Pavodle paviedamleńniaŭ ŚMI, 7 červienia padčas praviadzieńnia Forumu rehijonaŭ u Minsku Valancina Maćvijenka nazvała inicyjatyvu ES «Uschodniaje partniorstva» bieskarysnaj u praktyčnym płanie. «Što tyčycca taho, kab pastavić pamiž Biełaruśsiu i Rasijaj pasiarednikam tak zvanaje Uschodniaje partniorstva, to asabista ja liču, što heta inicyjatyva, niahledziačy na dekłaravany jaje arhanizatarami madernizacyjny charaktar, na samaj spravie isnuje dla adnaho — kab krainy, jakija ŭ jaje ŭciahvalisia, pryviazvalisia da ekanamičnaha, palityčnaha ŭpłyvu Zachadu. Nijakaj praktyčnaj karyści jaje ŭdzielniki nie atrymali», — adznačała Maćvijenka.
Biełaruskija apazicyjnyja palityki razhladajuć takija słovy Maćvijenka ab Uschodnim partniorstvie i jaje ž inicyjatyvu ab uviadzieńni ahulnaj vizy Sajuznaj dziaržavy jak čarhovuju sprobu ŭmiašańnia va ŭnutranuju i źniešniuju palityku Biełarusi i naviazvańnie «intehracyjnych» pracesaŭ tolki ŭ intaresach Rasii.
«Jak śviedčyć statystyka, usie intehracyjnyja sajuzy i abjadnańni, stvoranyja pa inicyjatyvie RF na postsavieckaj prastory, užo pryviali da straty niejkaj častki niezaležnaści i suvierenitetu našaj dziaržavy i źnižeńnia ŭzroŭniu žyćcia nasielnictva. Prapanavany vami farmat jašče bolš ciesnaj intehracyi Biełarusi ŭ Rasijskuju Fiederacyju pryviadzie da poŭnaj straty niezaležnaści našaj krainy i dalejšaha padzieńnia ŭzroŭniu žyćcia hramadzian», — śćviardžajecca ŭ zvarocie.
Abodva palityki zapatrabavali ad Valanciny Maćvijenka źmianić jaje padychody i padychody ŭsiaho kiraŭnictva Rasii da pytańniaŭ naładžvańnia ŭzajemaadnosin RF i Biełarusi.
«Uzajemaadnosiny našych krain pavinny budavacca na ŭzajemavyhadnym supracoŭnictvie z karyściu dla hramadzian abiedźviuch dziaržaŭ. U advarotnym vypadku, kali ŭ vas adsutničajuć prapanovy i idei, jakija mohuć paspryjać vyvadu ekanomik abiedźviuch dziaržaŭ z zaciažnoha kryzisu i pavyšeńniu ŭzroŭniu žyćcia nasielnictva, my patrabujem ad vas spynić usialakija vykazvańni i prapanovy pa pytańniach rasijska-biełaruskaj intehracyi», — havorycca ŭ zvarocie, nakiravanym u Saviet Fiederacyi RF.
