Paśla pryniaćcia novaha zakona ab vyšejšaj adukacyi kolkaść vyšejšych navučalnych ustanoŭ va Ukrainie skaraciłasia na 485 — z 802 da 317, a da kanca navučalnaha hoda ich stanie mienš za trysta. Ab hetym piša ministr adukacyi Ukrainy Siarhiej Kvit u svaim artykule dla «Ukrainskaj praŭdy».
Pry Kučmu i Janukoviču va Ukrainie naadkryvali pryvatnych univiersitetaŭ, jakija davali krajnie nizkuju jakaść adukacyi. Faktyčna, heta była zavualavanaja kupla dypłomaŭ. Toje samaje adbyvajecca i ŭ Biełarusi, darečy.
«Situacyja na rynku adukacyjnych pasłuh nie daść nijakaj mahčymaści ŭniviersitetam ŭchilacca ad vyrašeńnia nieadkładnych zadač: jakim čynam lepš arhanizavać navučalny praces», — napisaŭ jon.
Taksama ministr paviedamiŭ ab admienie śpisa 16 abaviazkovych dla vyvučeńnia studentami roznych śpiecyjalnaściaŭ navučalnych dyscyplin, takich jak palitałohija, sacyjałohija, fizičnaje vychavańnie, ukrainskaja mova, historyja Ukrainy, fiłasofija, zamiežnaja mova i biaśpieka žyćciadziejnaści. Ciapier śpis dyscyplin vyznačaje sam univiersitet, fakultet ci studenty pa vybary.