Valutnaja vyručka Biełarusi ŭ 2013 hodzie skaraciłasia na 6,6 młrd. dołaraŭ u paraŭnańni z 2012 hodam, śviedčać źviestki Nacyjanalnaha banka.
Za minuły hod valutnaja vyručka skłała 44 młrd. 35,4 młn. dołaraŭ i ŭ adnosnym vyražeńni pamienšyłasia za hod na 13%.
Pastupleńni ad ekspartu tavaraŭ skłali 35 młrd. 951,7 młn. dołaraŭ, skaraciŭšysia na 17,7% (7,7 młrd. dołaraŭ) u paraŭnańni z 2012 hodam.
Valutnyja pastupleńni ad ekspartu pasłuh skłalisia na ŭzroŭni 6 młrd. 729,5 młn. dołaraŭ, pavialičyŭšysia na 17,1% (983,4 młn. dołaraŭ) u paraŭnańni z 2012 hodam.
Vyručka ad unutranaha handlu za valutu skłała 679,9 młn. dołaraŭ (+5,6% u paraŭnańni z 2012 hodam).
Ministerstva ekanomiki rastłumačyła źnižeńnie ekspartu pamianšeńniem źniešniaha popytu na biełaruskuju pradukcyju.
«Ciažkaści z realizacyjaj ajčynnaj pradukcyi va ŭmovach ściskańnia asnoŭnych ekspartnych rynkaŭ, a taksama vyciskańnie biełaruskich vytvorcaŭ inviestycyjnych tavaraŭ z tradycyjnych rynkaŭ zbytu pryviali da nizkich pakazčykaŭ ekspartu», — kanstatavali śpiecyjalisty Minekanomiki ŭ svaim studzieńskim makraekanamičnym ahladzie.
