Hienieralnaja prakuratura Biełarusi admoviłasia raspačynać kryminalnuju spravu pa fakcie sproby davańnia chabaru Alaksandru Łukašenku, paviedamiŭ lidar Abjadnanaj hramadzianskaj partyi (AHP) Anatol Labiedźka.
Nahadajem, 16 kastryčnika na
U suviazi z hetymi vykazvańniami kiraŭnika Biełarusi Anatol Labiedźka źviarnuŭsia ŭ Hienprakuraturu z prośbaj adreahavać na raspaŭsiudžanuju infarmacyju i raspačać kryminalnuju spravu pa fakcie sproby davańnia chabaru słužbovaj asobie ŭ asabliva bujnym pamiery.
«Mnie pryjšoŭ adkaz z Hienieralnaj prakuratury za podpisam načalnika ŭpraŭleńnia pa baraćbie z karupcyjaj i arhanizavanaj złačynnaściu Ihara Hrejby. U im havorycca, što «ŭ adpaviednaści z p. 1 č. 1 art. 167 KPK padstavaj da raspačynańnia kryminalnaj spravy źjaŭlajecca najaŭnaść dastatkovych źviestak, jakija ŭkazvajuć na prykmiety złačynstva, pry adsutnaści akaličnaściaŭ, što vyklučajuć vytvorčaść pa kryminalnaj spravie». I dalej «zychodziačy sa źmiestu tekstu stenahramy
Sam jon ličyć hety adkaz «prahnazavanym», ale tym nie mienš budzie praciahvać damahacca raspačynańnia kryminalnaj spravy pa hetym fakcie. «Bo z adkazu prakuratury vynikaje, što da Alaksandra Łukašenki možna prychodzić i prynosić jamu chabar. Ja liču, što heta nie moža być kvalifikavana inakš jak złačynstva», — padkreśliŭ lidar AHP.
«Takija zajavy nielha niedaaceńvać, pakolki my znachodzimsia na parozie „siejfavaj pryvatyzacyi“. Łukašenka ŭžo zajaŭlaŭ, što akcyi najbujniejšych pradpryjemstvaŭ u jaho ŭ siejfie i da jaho treba prychodzić i razmaŭlać u cišyni kabinieta. Ja liču, što adzin čałaviek ci hrupa ludziej nie mohuć rasparadžacca narodnym zdabytkam. I takaja sproba davańnia chabaru — tolki pieršaja łastaŭka taho, što moža adbyvacca dalej», — adznačyŭ Labiedźka.
Tamu jon maje namier napisać zvarot da hienieralnaha prakurora Alaksandra Kaniuka z patrabavańniem źmianić heta rašeńnie prakuratury i ŭsio ž raspačać i rasśledavać kryminalnuju spravu ab sprobie davańnia chabaru.