Marat Novikaŭ, akcyjanier AAT «Kamunarka» i AAT «Spartak», vykazaŭ škadavańnie ab rašeńni, pryniatym prezidentam Biełarusi 12 kastryčnika na naradzie pa pytańniach raźvićcia kandytarskaj haliny krainy.
«Ja škaduju, tamu što treciaja častka majho pracoŭnaha žyćcia ŭkładzienaja ŭ hetyja fabryki. A moža, navat i ŭsio. Nie viedaju, chaj jany pracujuć. Ja ludziej škaduju, lublu ludziej, tam dobryja ludzi pracujuć. Ale ja nie dumaju, što budzie zachavana toje, što my rabili «, — skazaŭ M. Novikaŭ.
Pavodle słovaŭ Novikava,
jon navat u samym drennym varyjancie raźvićcia padziej nie mierkavaŭ, što sprava moža skončycca takim čynam. Jak adznačyŭ M. Novikaŭ, takoha niama «navat u Vieniesuele, na Kubie».
«Kali ŭzvažyć usio, što siońnia adbyvajecca na rynku, to siońnia imiony „Spartaka“ i Marata, „Kamunarki“ i Marata viedaje ŭvieś śviet», — skazaŭ jon.
Pavodle słovaŭ Novikava,
jaho dola ŭ akcyjaniernym kapitale «Spartaka» na siońnia składaje 54%, u «Kamunarcy» — 34%.
«My stvaryli sumiesnaje pradpryjemstva. Mieli my racyju ci nie mieli,
ale jak možna navat nie ukazam prezidenta, a prosta skazać — i ŭsio?Ja pavažaju Alaksandra Ryhoraviča, pavažaju jaho pasadu, schilajusia pierad tym, što jon taki dziejsny.
Ale jak možna brać na siabie takuju adkaznaść — źniščyć sumiesnaje pradpryjemstva, źniščyć naziralnuju radu.Ja razumieju, jaho nie cikavić inviestycyjny klimat. Ja razumieju, što hety forum (VII Biełaruski inviestycyjny forum, jaki pavinien prajści ŭ Minsku 15–16 listapada 2012 hoda), ja nie viedaju, dla kaho jon stvorany i chto jaho stvaraje», — skazaŭ M. Novikaŭ.
Sioleta Novikaŭ čakaje, što «Spartak» atrymaje bolš za $15 miljonaŭ prybytku, «Kamunarka» — $12–13 miljonaŭ.Jon padkreśliŭ, što kali b byli «złačynstva i nieprazrystyja inviestary, to, viadoma ž, hetych prybytkaŭ b nie było «. Jon adznačyŭ, što, naadvarot, pradpryjemstvy naroščvali prybytki i zarpłaty, i siaredniaja zarpłata na ich pieravysiła $600.
U bližejšy čas, pa infarmacyi M. Novikava, mohuć adbycca źmieny ŭ kiraŭnictvie, jak AAT «Kamunarka», tak i AAT «Spartak». «Užo ŭ 15.30 na „Kamunarcy“ sabrali nie akcyjanieraŭ, a rabotnikaŭ. I pradstaŭlajuć Dančanku dyrektaram fabryki», — skazaŭ M. Novikaŭ.
Akramia taho, pavodle jaho słoŭ, u
Homielski abłvykankam vyklikana hiendyrektar AAT «Spartak» Alesia Samsonava. «Ja dumaju, što budzie taksama pisać zajavu, i ŭ paniadziełak buduć pradstaŭlać novaha dyrektara», —zajaviŭ Novikaŭ.
Biźniesmien nie dumaje, što paśla skasavańnia naziralnych radaŭ i zamieny mieniedžmientu abiedźviuch kampanij, «budzie zachavana toje, što my rabili». Novikaŭ padkreśliŭ, što ŭ dadzienaj situacyi ŭzradujucca kankurenty — «budzie rady Roshen, što źniščyli takoha surjoznaha kankurenta».
Pa słovach M. Novikava, sam jon nastolki stamiŭsia, što jaho navat «vynik nie chvaluje».
