Charuki Murakami — jaŭny lidar u bukmiekieraŭ na atrymańnie Nobiela ŭ litaratury 7

63-hadovy japonski piśmieńnik Charuki Murakami źjaŭlajecca hałoŭnym pretendentam na atrymańnie Nobieleŭskaj premii pa litaratury, kali vieryć bukmiekierskim kantoram.

Naprykład, ladbrokes.com prymaje staŭki na pieramohu Murakami ŭ suadnosinach 2 da 1. Murakami aŭtar nastupnych ramanaŭ: «1Q84», «Kafka na plažy», «Narviežski les», «Dens, Dens, Dens», «Słuchaj pieśniu vietra».

8 da 1. Takija staŭki prymajucca na kitajca Mo Jania, a taksama vienhra Pietera Nadaša. Praŭda, Vienhryja ŭžo atrymlivała ŭ apošniaje dziesiacihodździe Nobiela ŭ litaratury (Imre Kiertes).

10 da 1. Z takim kaeficyjentam možna pastavić na 83-hadovaha anhličanina Uiljama Trevara i amierykanskaha śpievaka Boba Dyłana. Apošni byŭ lidaram u bukmiekieraŭ hod nazad, ale premiju ŭručyli šviedskamu paetu Tumasu Transtromieru.

12 da 1. Tut adrazu try piśmieńniki. Niderłandski aŭtar Siejs Noteboom, kienijski dramaturh Nhuhi Va Tchionha i amierykaniec Tomas Pinčan.

14 da 1. Pryvabnyja kaefijenty na ałbanca Ismaiła Kadere, siryjskaha paeta Adonisa, karejca Ko Una, kanadskuju navielistku Elis Munro, ałžyrskuju piśmieńnicu i režysiorku Asiju Džebar.

Šancy čecha Miłana Kundery na pieramohu aceńvajucca jak 16 da 1, polki Volhi Takarčuk — 20 da 1, Umbierta Eka — 25 da 1, Jaŭhiena Jaŭtušenki — 66 da 1.

Uładzimira Niaklajeva siarod kandydataŭ, što prapanoŭvajuć bukmiekiery, niama. Niaklajeva na Nobieleŭskuju premiju ŭ litaratury letaś vyłučaŭ Biełaruski PEN-Centr.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH