Hety junak maje poŭnaje prava na hanarovaje zvańnie Hieroja Biełarusi.Jon byŭ rodam ź vioski Kasuta Vilejskaha rajona. Jahony baćka tam słužyŭ pravasłaŭnym śviatarom.
U 1948-1950 hadach Łapicki ź siabrami stvaryli antysavieckuju padpolnuju arhanizacyju, jakaja raspaŭsiudžvała ŭlotki za niezaležnaść i z krytykaj stalinskich złačynstvaŭ. Jana pratrymałasia niekalki hadoŭ, pakul na jaje śled nie vyjšła savieckaja dziaržbiaśpieka. U 1950 hodzie hrupa była raskrytaja. Dopyty, katavańni — i prysud.
Hrupa staviła svajoj zadačaj dabicca niezaležnaści Biełarusi, što razhladałasia savieckim režymam jak asablivaje złačynstva.Udzielnikaŭ adpravili hnić u kancłahiery, a kiraŭniki — Raścisłaŭ Łapicki dy Fakunda Nieściarovič — byli asudžanyja na rasstreł. Nieściarovič napisaŭ prašeńnie ab pamiłavańni, i rasstreł jamu zamianili źniavoleńniem. Raścisłaŭ pisać prašeńnie admoviŭsia. Jaho rasstralali va ŭročyščy Krasny Bieražok la Vilejki. Było jamu tady 22 hady.
U Kasucie zachavałasia chatka Łapickich. Bolš pra Raścisłava Łapickaha ŭ knizie: Michaś Čarniaŭski. Jak pošuh małanki. — Minsk: Technałohija, 2006.
1 vieraśnia, na dzień naradžeńnia Łapickaha, na siadzibach biełaruskich supołak u RB i za miežami adbylisia akcyi pamiaci.
U Smarhoni akcyja pamiaci Łapickaha skončyłasia zatrymańniami mastakoŭ i žycharoŭ horada. Siarod zatrymanych byŭ i mastak Aleś Puškin. Na 24 vieraśnia byŭ pryznačany sud nad im.
0
0
0
0
0
0
