Google abnaviŭ svaje mapy Biełarusi 11

Google Maps abnaviŭ spadarožnikavyja vyjavy vysokaha razroźnieńnia niekatorych biełaruskich haradoŭ i viosak.

Takim čynam, Biełaruś na adnoj z samych papularnych mapaŭ pradstaŭlenaja ŭ najbolš aktualnym vyhladzie.

U vieraśni Google abnaviŭ mapy 60 rehijonaŭ śvietu. U lik hetych rehijonaŭ trapiła i Biełaruś. «Praz palapšeńnie dastupnaści vyjavaŭ u vysokim razroźnieńni my praciahvajem nadavać dostup da najbolš aktualnych i dakładnych mapaŭ śvietu», — havorycca ŭ aficyjnym paviedamleńni Google, apublikavanym u aficyjnym błohu kampanii.

Śpiecyjalisty kažuć, što spadarožnikavaja mapa Minsku, naprykład, maje aktualnaść lipienia ci žniŭnia 2012 hoda.

U centry ciapier bačnaja budoŭla na miescy Kupałaŭskaha teatru i novy mikrarajon u rajonie stancyi mietro «Kamiennaja horka».

Niekatoryja biełaruskija harady znoŭ nie abnavilisia. Naprykład, histaryčny centr Hrodna ŭžo katory hod zapar zaciahnuty abłokami.

Taksama Google dadaŭ 30 novych haradoŭ da śpisu miescaŭ, dzie možna prahladać vyjavy, zroblenyja pad vuhłom u 45 hradusaŭ.

Hety servis pakul u Biełarusi nie dastupny. Hetaksama jak i jašče adzin nabor mapaŭ ad Google — kartaŭ hramadskaha transpartu bujniejšych haradoŭ śvietu.

pavodle Generation.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH