Darafiejeva stała zahadčycaj kafiedry 12

Karjera 34-hadovaj śpiavački, jakaja ŭ 2007-m była pryznačanaja Alaksandram Łukašenkam «tvaram Biełarusi», pajšła ŭharu. Na hety raz

Iryna Darafiejeva prasunułasia pa słužbovaj leśvicy ŭ Biełaruskim dziaržaŭnym univiersitecie kultury i mastactvaŭ.

Jak stała viadoma «Salidarnasci», Iryna Darafiejeva, vypusknica Biełaruskaha dziaržaŭnaha univiersiteta kultury i mastactvaŭ, stała zahadčycaj kafiedry estradnaha majsterstva hetaj navučalnaj ustanovy.

U hutarcy z našym karespandentam

śpiavačka, jakaja raniej na piacihodku była zaćvierdžana «tvaram Biełarusi», paćvierdziła hetuju infarmacyju. Pavodle jaje słoŭ, na hetuju pasadu jaje zaprasiŭ rektar univiersiteta Barys Śviatłoŭ.

— Sprava ŭ tym, što

ja ŭžo siem hadoŭ źjaŭlajusia piedahoham (estradny vakał), tamu ŭsio zdaryłasia nie vielmi raptoŭna.

Dźvie ci try tydni vialisia pieramovy, my dumali i pryjšli da ahulnaha nazoŭnika, — skazała Iryna Darafiejeva «Salidarnasci», dapoŭniŭšy, što «rašeńnie ŭžo pryniata». — Kali havaryć pra dypłom, dyk

ja skončyła univiersitet, jak vakalistka, a piedahahičnyja navyki nabyła z vopytam. Na kirujučych pasadach pracuju ŭžo dosyć daŭno, pakolki ŭ 1999 hodzie (hod zakančeńnia VNU, — S.), ja ŭžo kiravała svaim kalektyvam.

Pakul na aficyjnym sajcie Biełaruskaha dziaržaŭnaha univiersiteta kultury i mastactvaŭ pakazana, što zahadčycaj kafiedry źjaŭlajecca kandydat mastactvaznaŭstva, dacent Iryna Śmirnova. Pry hetym na siońnia, pa słovach jaje kalehaŭ, Iryna Alaksandraŭna praciahvaje vychodzić na pracu. Źviazacca ź joj pa telefonie, kab jana prakamientavała pryznačeńnie adnoj z supracoŭnic kafiedry na pasadu kiraŭnika, na žal, nie ŭdałosia.

Ale svajo mierkavańnie z hetaj nahody ahučyŭ pieršy prarektar univiersiteta Juryj Bondar.

— Heta narmalny praces, kali chtości sychodzić, a chtości prychodzić. A što vas tak źbiantežyła? — Pacikaviŭsia surazmoŭca, adznačyŭšy, što Śmirnova taksama «paśpiachova pracuje na hetaj ža kafiedry». — Jany buduć razam pracavać, jany ŭ pryncypie mohuć narmalna suisnavać u ramkach kafiedry: Iryna Alaksandraŭna Śmirnova — pracavać prafiesaram hetaj kafiedry, Iryna Arkadźjeŭna Darafiejeva — zahadčycaj.

Jak rastłumačyŭ Juryj Bondar,

Darafiejeva maje prava pracavać na pasadzie dacenta, jak zasłužanaja artystka,

a VNU, u svaju čarhu, moža vyłučyć takoha čałavieka na pasadu zahadčyk kafiedry.

— U tvorčych VNU asoby, jakija majuć zvańnie zasłužanych artystaŭ, narodnych artystaŭ, adpaviedna pryraŭnoŭvajucca da dacenta i prafiesara.

U praktycy tvorčych VNU heta paŭsiudnaje źjava, — rastłumačyŭ prarektar.

Pavodle jaho słoŭ, pryčyny, pa jakich na pasadu kiraŭnika vybrali mienavita Darafiejevu nastupnyja:

— Pa-pieršaje, jana viadomy čałaviek u hetaj śfiery. Pa-druhoje, u jaje jość vopyt piedahahičnaj pracy: jana supracoŭničaje z univiersitetam, źjaŭlajecca dacentam kafiedry i daŭno pracuje ŭ nas. Pa-treciaje, u jaje vydatny kantakt sa studentami, jana karystajecca aŭtarytetam. Akramia taho, hety vykładčyk — praktyk, viadomy na ŭsiu Biełaruś i za jaje miežami.

* * *

Iryna Darafiejeva — łaŭreat mižnarodnych konkursaŭ, ukazam prezidenta ŭ 2007 hodzie joj prysvojena zvańnie «Zasłužanaja artystka RB». Prykładna tady ž Łukašenka padpisaŭ płan mierapryjemstvaŭ pa realizacyi pijar-akcyi «Iryna Darafiejeva — tvar Biełarusi». A ŭ 2008-m, udzielničajučy ŭ biaspłatnym kancercie ŭ Sočy z nahody dnia naradžeńnia prezidenta Biełarusi, śpiavačka padaryła imianińniku pieśniu «Anioł moj nieparaŭnalny, nieziamny i nierealny».

«Salidarnaść»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH