Ispanskija studenty pradstavili mašynu, zdolnuju prajechać 2 tys. km na 1 litry paliva 2
Ispanskija studenty pabudavali aŭtamabil, jaki, pavodle ich słovaŭ, moža prajechać da 2 tys. km na adnym litry paliva.
Mašyna, jakaja atrymała nazvu Datil 12, voźmie ŭdzieł u štohadovym spabornictvie Shell Eco-Marathon (projdzie ŭ Raterdamie z 17 pa 19 maja).
Jak paviedamlaje miascovaje vydańnie El Nuevo Herald, habarytnaja daŭžynia navinki — 3,2 m, šyrynia — 0,6 ma, a vyšynia — usiaho paŭmietra. Masa pustoha Datil 12 — 38 kh. Piaciora studentaŭ kala hoda pracavali nad hetym prajektam.
Detalnyja charaktarystyki hetaj zvyšekanamičnaj madeli pakul nie vydajucca. Kiraŭnik prajekta prafiesar Mihiel Aliva nahadaŭ žurnalistam, što ŭ 2011 hodzie jaho studenty ŭžo vystaŭlali na ekamarafon adzin ź pieršych varyjantaŭ hetaj mašyny. Tady jana zmahła pieraadoleć 1455 kiłamietraŭ na litry paliva.
U spabornictvie Shell Eco-Marathon voźmuć udzieł 250 kamand. Sioleta jon projdzie pa haradskich vulicach, a nie pa aŭtadromie. Da ŭdziełu ŭ zajezdach dapuskajucca lubyja aŭtamabili z ekałahična čystymi siłavymi ŭstanoŭkami, jakija adpaviadajuć vyznačanym kryteram. Zadača kamand — prajechać peŭnuju kolkaść kołaŭ ź siaredniaj chutkaściu nie mienš za 25 km/h, pakazaŭšy najlepšy ŭzrovień paliŭnaj ekanamičnaści.
