Ctaronki žyćcia pravaabaroncy, jakomu pahražaje 7 hod turmy.
1980 hod. U Jałcie na mahile Maksima Bahdanoviča. Fota Vytoki.net.
1987 hod. Aleś Bialacki na akcyi-zapłyvie biełaruskich i łatyskich maładziovych supołak suprać budaŭnictva Dźvinskaj HES. Fota Vytoki.net.
1995 hod. Na mitynhu ŭ Vierchnim horadzie. Fota Vytoki.net.
1. Aleś Bialacki naradziŭsia ŭ Karelii ŭ 1962 hodzie. Tudy jaho baćki vyjechali ź Biełarusi na zarobki.
2. Budučy pravaabaronca pačaŭ pryncypova razmaŭlać pa-biełarusku ŭ časy studenctva. U 1981 hodzie ŭ Homieli jon pieršym na fakultecie staŭ paŭsiul havaryć na rodnaj movie. Kali jon skančaŭ univiersitet, tam pa-biełarusku razmaŭlali užo niekalki dziesiatkaŭ čałaviek.
3. Aleś Bialacki u maładości braŭ aktyŭny ŭdzieł u niefarmalnaj, faktyčna padpolnaj hrupoŭcy. Jaje asnoŭnaj zadačaj była pabudova niezaležnaj Biełarusi. Z tavaryšami jon nabyvaŭ drukavalnyja mašyniki i vyrablaŭ ulotki.
4. Alesia Bialackaha jašče ŭ 80-ja vierbavała KDB – kali jon byŭ staršynioj abjadnańnia maładych litarataraŭ «Tutejšyja». Na pieršym ža spatkańni Bialacki admoviŭsia praciahvać niejkija kantakty.
5. U 1996 hodzie Aleś Bialacki ŭznačaliŭ «Viasnu». Paśla jon pryznajecca: ja nie raźličvaŭ, što daviadziecca zajmacca pravaabarončaj dziejnaściu stolki hod.
6. U sakaviku 2006 hodu Vacłaŭ Havał uručyŭ Alesiu Bialackamu za pravaabarončuju dziejnaść premiju Homo Homini.
7. Alesia Bialackaha dvojčy vyłučali na Nobieleŭskuju premiju miru. U 2007 hodzie vice-prezident Mižnarodnaj fiederacyi pravoŭ čałavieka byŭ u tak zvanym šort-śpisie vierahodnych kandydataŭ.
8. Municypalitet horadu Hienuja ŭ 2010 hodzie nadaŭ staršyni pravaabarončaha centra «Viasna» hanarovaje hramadzianstva.
9. Alesia Bialackaha, jak i na mnohich pradstaŭnikoŭ apazicyi, u pačatku 2011 hoda atakavała «Sovietskaja Biełoruśsija».
10. Lubimy deviz Alesia Bialackaha: «Jak budzie, tak i budzie». Najlepšaja parada, jakuju, jon, pa jaho słovach, atrymaŭ: «Trymaj jazyk za zubami».
U tekście vykarystany materyjały vydańniaŭ «Naša Niva», «Svobodnyje novosti», euramost.org, a taksama «Radyjo Svaboda» i «Jeŭraradyjo».