U Lepieli adkryli pomnik Lvu Sapiehu 18

Fota lepel.by

11 vieraśnia ŭ Lepieli ŭračysta adkryli pomnik vialikamu hietmanu i viałkamu kancleru Vialikaha Kniastva Litoŭskaha Lvu Sapiehu. Adzin z najviadomiejšych biełaruskich mahnataŭ peŭny čas vałodaŭ hetym horadam.

Ahulnaja vyšynia pomnika z pastamientam kala 3,5 mietra. Leŭ Sapieha staić u kuntušy paŭźvierch kirasy, u pravaj ruce trymaje bułavu — adznaku hietmanskaj ułady, a levaj apirajecca na efies šlachieckaj šabli.

Aŭtar pomnika — minčanin Leŭ Ahanaŭ, jaki raniej vykanaŭ pomnik Papu Rymskamu Bieniedyktu ChVI, ustalavany 15 červienia 2008 hoda la kaścioła śviatoha Tadevuša ŭ miastečku Łučaj Pastaŭskaha rajona.

Inicyjataram stvareńnia pomnika słavutamu palityčnamu i vajennamu dziejaču VKŁ staŭ probašč miascovaj ryma-katalickaj parafii śviatoha Kazimira ksiondz Andrej Aniskievič. Pry hetym, jak paviedamlaje sajt lepel.by, kateharyčny pratest vykazvała pravasłaŭnaja carkva.

0

0

0

0

0

0

Narodnyja naviny Viciebska

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH