U sudzie Baranavickaha rajona i Baranavič 7 maja raspačaŭsia čarhovy sud za ŭdzieł u akcyjach pratestu ŭ žniŭni 2020 hoda, piša «Viasna».
Pavodle č. 1 art. 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak) sudziać adrazu vosiem čałaviek: Kanstancina Kalahu, Eryka Kałasoŭskaha, Ivana Packo, Alaksandra Łaŭruščyka, Ivana Dryka, Paŭła Sierhijeniu, Dźmitryja Filipoviča, Arcioma Łapiča. Spravu razhladaje Viktoryja Pakunova.
Viadoma, što niekatorych zatrymali padčas «chapunoŭ». Tak, naprykancy śniežnia 2023 hoda byŭ zatrymany Ivan Dryk, jakomu na momant udziełu ŭ akcyjach pratestu nie było 18 hadoŭ.
Na Bieraściejščynie da hetaha času praciahvajucca masavyja zatrymańni i sudy za ŭdzieł u akcyjach pratestu ŭ 2020 hodzie. Tak, naprykład, za apošni miesiac vynieśli prysudy pa «narodnym» artykule ŭžo 17 žycharam Baranavičaŭ.
Čytajcie taksama:
Za ŭdzieł u akcyi pratestu ŭ Homieli asudzili viadomaha šoŭmiena i pradprymalnika
Adrazu šaściarych biełarusaŭ zavočna asudzili za ŭdzieł u mirnych schodach
