Usievaład Ihnatoŭski (1881—1931) — viadomy biełaruski palityčny i dziaržaŭny dziejač, vučony. Paśla revalucyi 1917 hoda jon pradstaŭlaŭ levaradykalnuju płyń biełaruskaha nacyjanalnaha ruchu, jakaja pajšła na supracoŭnictva z kamunistami.
U 1920-ja hady Ihnatoŭski zajmaŭ u BSSR pasady narkama ziemlarobstva, narkama aśviety, prezidenta Instytuta biełaruskaj kultury, a paśla staŭ pieršym prezidentam Biełaruskaj akademii navuk.
Taksama Ihnatoŭski stajaŭ la vytokaŭ biełaruskaj nacyjanalnaj histaryjahrafii, jahony «Karotki narys historyi Biełarusi» vytrymaŭ niekalki vydańniaŭ u 1920-ja, a pieravydadzieny ŭ pačatku 1990-ch taksama akazaŭ značny ŭpłyŭ na farmavańnie nacyjanalnaj śviadomaści novaha pakaleńnia biełarusaŭ.
U 1930 hodzie, kali suprać biełaruskaha ruchu ŭ BSSR pačalisia represii ŭ ramkach sfabrykavanaj spravy «Sajuza vyzvaleńnia Biełarusi», Ihnatoŭskaha adchilili ad kiravańnia Akademijaj navuk i vyklikali na dopyty ŭ AHPU. Paśla adnaho ź ich 4 lutaha 1931 hoda jon zastreliŭsia.
Čytajcie taksama:
Kala Akademii navuk adkryli pomnik siami znakamitym biełarusam
«Ekstremisckuju litaraturu» składajem asobna». U biblijatekach rychtujucca da adkryćcia śpiecchranaŭ