Biełaruskaja čyhunka papiaredziła pra mahčymuju źmienu hrafika ruchu ciahnikoŭ z-za abrynańnia mosta ŭ Viaźmie.
U BČ adznačyli, što ruch na ŭčastku Viaźma-Siamlova, dzie adbyłasia avaryja, spynieny. Čyhunačniki šukajuć apieratyŭnyja rašeńni pa źmiajenie paradku propusku ciahnikoŭ na hetym kirunku.
Biełaruskaja čyhunka abiacała apieratyŭna infarmavać pra źmienu hrafika. Adnak adzinaje paviedamleńnie było apublikavana bolš za dźvie hadziny tamu. Na tabło stancyi «Minsk-Pasažyrski» paznačana, što najbližejšy ciahnik u Maskvu ŭ 21.44 — heta ciahnik Brest — Maskva. Taksama ciahniki ŭ stalicu Rasii sa stancyi «Minsk-Pasažyrski» zapłanavanyja na 22.20 i 23.55. Pra ich admienu ci źmienu hrafika nie paviedamlajecca.
U MNS Rasii zajavili, što zatrymak u ciahnikach dalokaha kiravańnia niama. Ciahniki, jakija nakiroŭvalisia sa Smalenska ŭ Maskvu i nazad, viernutyja na stancyi adpraŭleńnia. Pasažyraŭ adpravili aŭtobusami.
U vyniku abvalvańnia mosta ŭ Viaźmie zahinuŭ adzin čałaviek, paciarpieli šaściora. Pierakryćcie mosta pavaliłasia na čyhunačnaje pałatno. Na miesca nakiravali čatyry adnaŭlenčyja ciahniki.
Čytajcie taksama:
Źjaviłasia VIDEA, jak abrynajecca most nad čyhunkaj u Viaźmie
Na Smalenščynie pavaliŭsia most, zabłakavany ruch ciahnikoŭ ź Biełarusi
Na Bałtycy hareŭ rasijski rakietny karabiel — HUR Ukrainy
Žychary zatoplenaha Orska vyjšli na mitynh z łozunham «Pucin, pamažy!»
Mer rasijskaha Arenburha zaklikaŭ terminova pakinuć damy z-za niebiaśpiečnaha ŭzroŭniu vady
