3D-rendar kopii «Tytanika»
Pavodle padlikaŭ Pałmiera, dzieviacipałubnaje sudna abydziecca jamu ŭ 1 młrd dalaraŭ. Adnačasova na im zmohuć płyć da 2,5 tysiač čałaviek.
Budaŭnictva pavinna pačacca ŭ 2025 hodzie, ale pakul dla hetaha nie znajšli prydatnaj vierfi.
Ciapier partniory prajekta zakłapočanyja pošukam vykanaŭcy tendaru, kab da kanca hoda zaćvierdzić sudnabudaŭnika. Pieramožcam tarhoŭ Pałmier žadaje bačyć «kahości ź Jeŭropy», bo nie vieryć, što «kitajskija standarty adpaviadajuć pastaŭlenaj zadačy».
Novy łajnier zabiaśpiečać sučasnymi sistemami navihacyi i biaśpieki, a dyzajn budzie adnaŭlać patanuły aryhinał: kajuty z draŭlanymi kamodami i vysokimi aračnymi dźviarnymi prajomami, draŭlanaja leśvica i h. d.
3D-rendar kopii «Tytanika»
Vyratavalnych šlupak na sudnie budzie ŭ razy bolš, čym na aryhinalnym «Tytaniku». Sudnabudaŭniki buduć vykarystoŭvać najnoŭšyja technałohii, jakija pavinny vyklučyć usie ryzyki. Pałmier choča ŭvasobić u žyćcio historyju karabla, ale biez trahičnaha finału.
3D-rendar kopii «Tytanika»
Čakajecca, što pieršy rejs sudna zrobić z Saŭthiemptana ŭ Ńju-Jork, paŭtarajučy maršrut aryhinalnaha «Tytanika».
Aryhinalny pasažyrski łajnier «Tytanik» adpraviŭsia ŭ svoj pieršy i apošni rejs 10 krasavika 1912 hoda. U noč z 14 na 15 krasavika jon sutyknuŭsia z ajśbierham u vodach paŭnočnaj Atłantyki i zatanuŭ. U vyniku zahinuli kala 1,5 tys. čałaviek, tolki 712 pasažyram i členam ekipaža ŭdałosia vyratavacca.
Čytajcie taksama:
Majka z «Tytanikam» i bałonievyja kaściumy. Jak biełarusy apranalisia ŭ 90-ja
Hadzińnik žychara Viciebska z «Tytanika» pradali na aŭkcyjonie
Na aŭkcyjonie pradali apošni list z «Tytanika»
Kampanija OceanGate, jakaja vałodała batyskafam «Tytan», vydaliła akaŭnty va ŭsich sacsietkach
