U Minsku adznačajecca siezonny ŭzdym zachvorvańnia na VRI. Pra heta paviedamiła na apieratyŭnaj naradzie ŭ meryi hałoŭny doktar Minskaha haradskoha centra hihijeny i epidemijałohii Ina Kandreskuł, piša BiełTA.
«Sanitarna-epidemijałahičnaja abstanoŭka ŭ Minsku stabilnaja, kantralavaanaja. Nazirajecca siezonny ŭzdym VRI. Tak, była naściarožanaść, prymalisia miery prafiłaktyki vostrych reśpiratornych zachvorvańniaŭ. Hałoŭnaja zadača — praduchilić raźvićcio masavych vostrych reśpiratornych zachvorvańniaŭ, jakija pieradajucca pavietrana-kropielnym šlacham. Treba pamiatać ab zachavańni pravił asabistaj hihijeny, reśpiratornaha etykietu, vakcynacyi suprać adru, hrypu i inšych», — skazała Ina Kandreskuł.
U asnoŭnym cyrkulujuć adenavirusy, virusy parahrypu i inšyja niehrypoznyja reśpiratornyja virusy. Rehistrujucca adzinkavyja vypadki hrypu A.
U horadzie vakcynavana ad hrypu bolš za 400 tys.čałaviek. Vakcyny jość va ŭsich ustanovach achovy zdaroŭja. U hrupie ryzyki — ludzi starejšyja za 65 hadoŭ, z chraničnymi zachvorvańniami, dzieci da 3 hadoŭ.
«U Biełarusi VRI i hryp charaktaryzujucca siaredniaj intensiŭnaściu. Za minuły kalandarny tydzień zachvorvańnie vyrasła na 33% u paraŭnańni z papiarednim tydniem», — dadała Ina Kandreskuł. Bolšaść chvorych — dzieci (57%).
