Fota: Getty Images
Ajva — unikalnaja sadavina, jakaja niedaacenienaja na kuchni ŭ biełarusaŭ. Na jaje asnovie možna pryhatavać smačny marmieład, nastojku ci sok, jaki časta dadajuć u harbatu. U vyniku jana nabyvaje charakterny smak. Pa hetaj pryčynie ajvu možna vykarystoŭvać zamiest limona, ale jana źmiaščaje značna bolš vysokuju dozu vitaminu S.
Akramia jaho, ajva ŭtrymlivaje vitaminy hrupy V (V1, V2, V3, V6), vitamin A, folijevuju kisłatu, natryj, cynk, fosfar, kalij, žaleza.
Taksama varta viedać, što hety płod bahaty na antyaksidanty, takija jak polifienoły z antyaksidantnymi ŭłaścivaściami i piekciny, jakija dapamahajuć vyvodzić taksiny z arhanizmu. U svaju čarhu, dubilnyja rečyvy vałodajuć supraćzapalenčymi ŭłaścivaściami. Jany karysnyja pry padvyšanaj patlivaści ci ekzemie.
Ajvu časta ŭžyvajuć u vyhladzie sokaŭ i siropaŭ, jakija źjaŭlajucca idealnym dadatkam da harbaty vosieńniu i zimoj.
Dziakujučy vitaminam i minierałam, sok ajvy vałodaje supraćvirusnymi, bakterycydnymi supraćhrybkovymi ŭłaścivaściami. Jaho možna vykarystoŭvać jak dapamožny srodak u baraćbie z prastudaj, hrypam i zachvorvańniami vierchnich dychalnych šlachoŭ. Sok dapamahaje ablehčyć pastajanny suchi kašal.
Sok ajvy vałodaje sahravalnym uździejańniem, tamu jaho varta pić chałodnymi viečarami. Akramia taho, rehularnaje ŭžyvańnie hetaha napoju padtrymlivaje nastroj u pieryjad karotkaha śvietavoha dniu.
Bahaćcie mikra-i makraelemientaŭ u soku ajvy stanoŭča ŭpłyvaje nie tolki na imunnuju sistemu, ale i na sistemu stravavańnia. U pieršuju čarhu jaho rekamiendujecca pić pry rasstrojstvach straŭnika. Jon taksama palahčaje piakotku. Akramia taho, sok ajvy paskaraje abmien rečyvaŭ, tamu jaho možna ŭžyvać ludziam, jakija prytrymlivajucca dyjety.
Sok ajvy dapamahaje źmienšyć kryviany cisk, rehulavać uzrovień hlukozy i źmienšyć uzrovień drennaha chalesterynu. Z-za ŭtrymańnia žaleza jon rekamiendujecca pry aniemii. Akramia taho, antyaksidanty, jakija zmahajucca sa svabodnymi radykałami, nadajuć soku ajvy zaspakajalnyja ŭłaścivaści.
Ajvovy sok da čaju — recept dla kožnaha
Ajvovy sok rychtujecca vielmi chutka. Prosta vymyjcie sadavinu, razrežcie na nievialikija kavałki (nie łupiačy) i vydalicie nasieńnie. Dadajcie sadavinu ŭ słoik i vykładzicie pa čarzie płastami ajvu i cukar. Zakryjcie słoik i pastaŭcie ŭ ciomnaje miesca. Varta akuratna padtreści słoik, kab cukar i sadavina dobra pieramiašalisia. Za hety čas płady vyłučać sok. Na 1 kh sadaviny rekamiendujecca vykarystoŭvać 1—1,5 kh cukru.
Praz 4—5 dzion, a to i raniej, kali vy zaŭvažycie, što płady vypuścili šmat soku, jaho možna dadavać u harbatu. Paśla adkryćcia ajvovy sok varta zachoŭvać u chaładzilniku.
Čytajcie jašče:
Nie tolki čaj ź limonam. 7 receptaŭ haračych i duchmianych vosieńskich napojaŭ
Kampot z čyrvonych parečak — spatolić smahu i dadaść vitaminaŭ
