Zatym, uzbroiŭšysia nažami, školnicy rušyli da adnoj z pryvatnych praduktovych kram, raźmieščanych u ich maleńkim ahraharadku.
Adna ź niepaŭnaletnich pryniałasia nažom vyrazać adtulinu ŭ płastykavych dźviarach, druhaja ž stajała i śviaciła lichtarykam. Kali ź pieršymi dźviaryma było skončana i adtulina była patrebnych pamieraŭ, adna ź ich prasunuła ruku i adkryła zamok dźviarej, paśla čaho siabroŭki prynialisia za druhija dźviery.
Apynuŭšysia ŭnutry kramy, dziaŭčynki ździejśnili bujny kradziež: brali ŭ asnoŭnym pradukty charčavańnia i cacki, ale na hetym nie spynilisia, prychapiŭšy z saboj butelku harełki, šampanskaha i 20 błokaŭ cyharet.
Usiaho z kramy było vykradziena kala 20 pakietaŭ z praduktami charčavańnia na ahulnuju sumu kala 200 rubloŭ. Sa zdabytymi pakietami siabroŭki nakiravalisia ŭ padvał doma adnoj ź ich, dzie vyrašyli adčuć siabie kančatkova darosłymi i vypili trochi skradzienaj harełki, paśla čaho lahli spać.
Ciapier baćkam dziaŭčynak pryjdziecca adkazvać za drobnaje chulihanstva i naŭmysnaje źniščeńnie abo paškodžańnie čužoj majomaści.
Čytajcie taksama: Kamitet dziaržkantrolu paćvierdziŭ zatrymańnie ŭłaśnika handlovych centraŭ. Chutčej za ŭsio, heta Vital Sinicki