newsru.co.ll
Minzdaroŭja Izraila abviaściła, što z 12:00 piatnicy, 25 červienia, znoŭ uvodzicca abaviazkovy masačny režym va ŭsich zakrytych pamiaškańniach (u tym liku ŭ hramadskim transparcie), za vyklučeńniem miesca pastajannaha pražyvańnia, paviedamlaje newsru.co.il.
Vyklučeńni: dla dziaciej, małodšych za 7 hadoŭ, invalidaŭ, jakija nie mohuć nasić maski; tych, chto znachodzicca ŭ zakrytym abo adasoblenym pamiaškańni, nie kantaktujučy ź inšym; u vypadku, kali dva supracoŭniki pastajanna pracujuć u adnym pamiaškańni; pry zaniatkach sportam.
Ministerstva achovy zdaroŭja Izraila rekamienduje nasić achoŭnyja maski navat na adkrytych placoŭkach, dzie źbirajecca vialikaja kolkaść ludziej.
Akramia taho, Minzdaroŭja rekamienduje ludziam z hrup ryzyki i tym, chto nie vakcynavany, paźbiahać udziełu ŭ jakich-niebudź hramadskich schodach.
***
Ułady Izraila admianili masačny režym 15 červienia. Adnak zatym u krainie znoŭ pačaŭsia rost kolkaści karanavirusa. Pryčynaj 70% novych vypadkaŭ zachvorvańnia COVID-19 u krainie za apošnija tydni ličycca indyjski štam.
U SAAZ miarkujuć, što hety štam ŭ dva razy bolš zarazny, čym pieršapačatkovy, uchański varyjant.
Taksama Izrail adkłaŭ adkryćcio miežaŭ dla vakcynavanych turystaŭ. Ułady płanujuć dazvolić im ŭjezd u krainu ŭ pryvatnym paradku z 1 žniŭnia, a nie z 1 lipienia, jak čakałasia.
