Im staviać u vinu złačynstvy pa troch artykułach Kryminalnaha kodeksa:
— č.1 art.357 — zmova abo inšyja dziejańni, učynienyja z metaj zachopu ci ŭtrymańnia dziaržaŭnaj ułady niekanstytucyjnym šlacham (da 12 hadoŭ pazbaŭleńnia voli)
— č.3 art.361 — zakliki da dziejańniaŭ, skiravanych na pryčynieńnie škody nacyjanalnaj biaśpiecy (da 5 hadoŭ pazbaŭleńnia voli)
— č.1 art.361-1 — stvareńnie ekstremisckaha farmiravańnia albo kiraŭnictva im (da 7 hadoŭ pazbaŭleńnia voli)
«Abvinavačanyja sumiesna ź inšymi asobami nie paźniej za 16 lipienia 2020 hoda ŭstupili ŭ tajemnuju zmovu z metaj zachopu dziaržaŭnaj ułady niekanstytucyjnym šlacham». «Zhodna z płanam jany ŭ roznych miescach, abviaściŭšy i pazicyjanujučy siabie pradstaŭnikami pieravažnaj bolšaści hramadzian Biełarusi, rychtavali i publična ahučvali zajavy pra pieramohu na vybarach kandydata Cichanoŭskaj S.H., stracie narodam Biełarusi davieru da orhanaŭ ułady i kiravańnia, słabaści dziejučaj ułady». «Chavajučy svoj matyŭ, u jakaści aficyjnaj mety stvareńnia «Kaardynacyjnaj rady» jany zajavili arhanizacyju pracesu pieraadoleńnia palityčnaha kryzisu, zabieśpiačeńnie zhody ŭ hramadstvie, a taksama abaronu suvierenitetu i niezaležnaści Biełarusi. Razam z tym sapraŭdnaj metaj stvareńnia «Kaardynacyjnaj rady» źjaŭlałasia kaardynacyja pratestnaj aktyŭnaści».
***
Znak i Kaleśnikava byli zatrymanyja ŭ pačatku vieraśnia 2020 hoda. Maksim byŭ zatrymany ŭ ofisie Babaryki, a Maryju sprabavali vyvieźci va Ukrainu, ale jana admoviłasia pakinuć krainu.