Dniom 16 krasavika pa padazreńni ŭ niezakonnym abarocie narkotykaŭ byŭ zatrymany 39-hadovy mužčyna. U jaho kvatery ŭ pralnaj mašynie vyjaŭlenyja 11 kustoŭ marychuany.
Abvinavačany raspavioŭ, što kust dzikaj marychuany jon znajšoŭ kala zakinutaha doma ŭ horadzie. Jon zabraŭ jaho, vysušyŭ i zachoŭvaŭ u siabie ŭ kvatery. Mužčyna pryznaŭsia, što paśla pieršaha ŭžyvańnia narkotyku vyrašyŭ vyroščvać zabaronienaje rečyva samastojna doma z nasieńnia.
Jon abstalavaŭ korpus pralnaj mašyny pad mini-łabaratoryju dla vyroščvańnia marychuany. Jon śćviardžaje, što vyroščvaŭ raśliny dla asabistaha spažyvańnia.
Ustanoŭlena, što zatrymany pražyvaje z žonkaj i dvuma małaletnimi dziećmi (13 hadoŭ i 2 hady). Žonka fihuranta raspaviała, što ničoha ab najaŭnaści doma zabaronienych rečyvaŭ joj nie było viadoma, bo muž žyvie ŭ asobnym pakoi i zaŭsiody prasiŭ jaje nie čapać jaho rečy.
Z zatrymanaha ŭziataja padpiska ab niavyjeździe i naležnych pavodzinach.
