Fota Depositphotos.com
Ad raku hrudziej štohod pamirajuć kala 627 tysiač žančyn. U apošnija hady daktary ŭskładajuć nadziei na PARP-inhibitary, jakija mohuć padaŭlać rost bolšaści ahresiŭnych form raku hrudziej.
Adnak vopyty daśledčykaŭ z ZŠA pakazali, što antybijotyk novabijacyn chutka i efiektyŭna źniščaŭ tyja vidy puchlin, na jakija nie dziejničali ni PARP-inhibitary, ni inšyja leki. Bolš za toje, preparat nie źniščaŭ masava zdarovyja kletki małočnaj załozy.
Takija ž vyniki pakazali vopyty na myšach, u čyj arhanizm impłantavali frahmienty puchlin. Ciapier navukoŭcy buduć pravodzić kliničnyja vyprabavańni z udziełam vałancioraŭ.
Vyniki novaha daśledavańnia byli apublikavanyja ŭ navukovym časopisie Nature Cancer.
«Biaśpieka novabijacynu nie vyklikaje sumnieńniaŭ, pry hetym antybijotyk možna prymać pieraralna, što źjaŭlajecca pieravahaj pierad inšymi srodkami lačeńnia raku. My źbirajemsia pravieryć jaho ŭ kambinacyi ź inšymi preparatami na pacyjentach», — adznačaje Ałan D'Andrea ź Instytuta rakavych daśledavańniaŭ imia Dana-Farbier.