Patryk Pat Žan-Batyst z partniorkaj pa scenie
Ottawan — francuzski dyska-hurt, što byŭ papularny ŭ pačatku 1980-ch.
Hurt źjaviŭsia ŭ 1979-m. Jaho hałoŭnaja zorka — Patryk Pat Žan-Batyst, jaki naradziŭsia ŭ Hvadełupie.
Pat pracavaŭ u kampanii Air France, a ŭ volny čas śpiavaŭ u barach, dzie jaho zaŭvažyŭ pradziusar.
Razam ź im u hurcie pracavała śpiavačka i tancoŭščyca Anet Eltys.
Za pieršyja hady hurt vypuściŭ niekalki hučnych piesiesń, jakija trapili ŭ chit-parady, naprykład: «D.I.S.C.O.», «You're OK» i «Hands Up (Give Me Your Heart)».
Častka pieśniaŭ vypuskałasia adnačasova pa-francuzsku i pa-anhlijsku. U apošnim vypadku davodziłasia śpiavać pad fanahramu.
U 1982-m hurt raspaŭsia. Patryk i Anet syšli ad pradziusaŭ i stvaryli hurt Pam'n'Pat, ale jon nie mieŭ takoj papularnaści.
U 1984-m pradziusary zaprasili ŭ hurt śpievakoŭ Esther i Robert, jakija vystupajuć pad brendam «Ottawan» i śpiavajuć jaho pieśni.
Pat taksama imkniecca vykarystoŭvać brend, choć pradziusary padkreślivajuć, što jon nie maje na toje prava i parušaje zakon.
U svaju čarhu na alternatyŭnym sajcie hurta ŭskosna paćviardžajecca fakt zabarony. Ale śćviardžajecca, što pradziusary ŭžo nie cikaviacca žyćciom hurta. I pravy na Ottawan majuć nie tolki jany, ale i zasnavalniki.
Pat źmianiŭ užo niekalki partniorak. Peŭny čas u hurcie navat śpiavała jaho stryječnaja siastra. Niekalki razoŭ na scenu vychodziła i dačka.
Žan-Batyst aktyŭna pracuje na postsavieckaj prastory, na jaho sajcie jość navat ruskamoŭnaja viersija. Tamu, chutčej za ŭsio, mienavita jaho viersija hurta budzie vystupać u Viciebsku.
«Naša Niva» napisała abodvum kalektyvam, dy tak i nie atrymała adkazu.
Zrešty, abodva Ottawan pieravažna śpiavajuć chity, napisanyja za dva hady pracy.
