— Avaryja zdaryłasia ŭčora, niedzie kala 11-j viečara. Ja jechaŭ z pracy damoŭ. Mianie pierad Ščarbinami abahnaŭ «Pasat». Jon pralacieŭ na vialikaj chutkaści. Było bačna, jak spracavała kamiera, što staić u Ščarbinach, — raskazaŭ «Rehijanalnaj» śviedka. — Dalej ubačyŭ, jak patuchła sustrečnaje śviatło i źjavilisia drobnyja ŭspyški ahniu. Kali padjechaŭ bližej, zrazumieŭ, što zdaryłasia łabavoje sutyknieńnie «Pasata» z furaj. Ja spyniŭsia, vyjšaŭ. Pobač stajaŭ u šoku kiroŭca fury. Lehkavaja mašyna była vielmi mocna paškodžanaja, ź jaje byŭ vidać čałaviek. Aŭtamabil pačynaŭ hareć. My tušyli vohnietušycielami, jakija mieli z saboj. Ale hetaha akazałasia niedastatkova.
Pačali spyniacca inšyja kiroŭcy. Nieśli vohnietušycieli, pacichu źbivali połymia. Ludzi dastali kiroŭcu. Jon, zdajecca, adrazu byŭ z pulsam. Pryjechali rabotniki MNS, paśla miedyki. Jany kanstatavali śmierć kiroŭcy. Pasažyra vyratavalniki vyrazali z sałona, miedyki chacieli jaho ŭratavać, adnak nie zmahli.
rh.by
Abstaviny zdareńnia paćvierdziła aficyjnaja pradstaŭnica USK pa Minskaj vobłaści Alena Krupienina. Pa jaje infarmacyi, zahinułyja ŭ «Pasacie» — 29-hadovyja maładziečancy. Sutyknieńnie zdaryłasia z-za taho, što vadziciel nie spraviŭsia z kiravańniem i vyskačyŭ na sustrečku. Tut jon sutyknuŭsia ź ciahačom «Reno Premijum» z paŭpryčepam, jakim kiravaŭ 28-hadovy mužčyna, taksama žychar Maładziečna.
Kiroŭca i pasažyr «Pasata» nie byli pryšpileny ramianiami biaśpieki.
