Matč hrupavoha etapu čempijanatu Jeŭropy pa futbole pamiž Ukrainaj i Niderłandami zaviaršyŭsia minimalnaj pieramohaj haspadaroŭ ź likam 3:2. Sustreča prajšła ŭ Amsterdamie na poli «Jochan Kruif Areny».
U składzie Niderłandaŭ hały zabili Žaržyńjo Viejnałdum (52-ja chvilina), Vaŭter Viehorst (58-ja chvilina) i Denzieł Dumfrys (85-ja chvilina).
Siarod hulcoŭ zbornaj Ukrainy vynikovymi ŭdarami vyznačylisia Andrej Jarmolenka (75-ja chvilina) i Raman Jaremčuk (79-ja chvilina).
«Nastroj — h…o. Vyciahnuć takuju hulniu i ŭ kancy prapuścić. Ja viedaju heta pačućcio, kali ty adyhryvaješsia, ale ŭ kancy prapuskaješ jašče adzin hoł», — tak prakamientavaŭ vynik matču były hulec zbornaj Ukrainy Arciom Mileŭski.
U nastupnym matčy ŭkraincam treba budzie hulać suprać Paŭnočnaj Makiedonii, sustreča projdzie 17 červienia. Zaklučny matč hrupavoha etapu adbudziecca 21 červienia, abodva pajadynki projduć u Buchareście.
Hałandcam treba budzie hulać suprać Aŭstryi 17 červienia i suprać Paŭnočnaj Makiedonii 21 červienia, abiedźvie sustrečy projduć u Amsterdamie.
