Jon zajaviŭ, što ciapier u mižnarodnych adnosinach «kvitnieje fenomen, jaki možna nazvać tryumfam havarkich hałoŭ biez mazhoŭ», piša Radyjo Svaboda.
«Ciapier zachodnija havarkija hałovy dahavarylisia da taho, što dziela dasiahnieńnia imi ž samimi vydumanych metaŭ jany hatovyja dziejničać lubymi sposabami i metadami. Užo nie tolki podkup, finansavańnie, infarmacyjnaja vajna, šantaž i zapałochvańnie. Užo terakty, što było ŭ Biełarusi — vosiem vypadkaŭ za šeść miesiacaŭ minułaha hodu, heta i sproba pieravarotu, heta i vajna».
Makiej kazaŭ, što zachodnija palityki pad łozunhami ab demakratyi «zaachvočvajuć hałavarezaŭ».
Taksama Makiej raskrytykavaŭ zajavu kiraŭnika Kamiteta pa zamiežnych spravach Litvy Žyhimantasa Pavilonisa pra sumiesnyja dziejańni razam z ZŠA pa pašyreńni NATO na Ukrainu i Hruziju i spryjańni demakratyčnym vybaram u Biełarusi. Makiej rasceńvaje heta jak namier «sadziejničać dziaržaŭnamu pieravarotu».
«Pihmiej-Litva kaža, što «my budziem praciahvać cisnuć na Biełaruś, my budziem pracavać z Ukrainaj, Małdovaj i Hruzijaj». Jany vystaŭlajuć siabie ŭ jakaści vołataŭ, jakija chočuć hulać ledź nie vyznačalnuju rolu ŭ našym rehijonie i, moža być, navat u mižnarodnaj palitycy», — zajaviŭ Makiej.
