Na vystavie-forumie «Achova zdaroŭja Biełarusi — 2021» arhanizujuć vakcynacyju ŭsich achvotnych suprać infiekcyi COVID-19 z vykarystańniem «Sputnika V», paviedamlaje Ministerstva achovy zdaroŭja.
Vystava-forum «Achova zdaroŭja Biełarusi» pačynaje pracu 18 maja. Ciapier u paviljonie na pr. Pieramožcaŭ, 20/2 iduć apošnija padrychtoŭki da adkryćcia.
Na vystavie ŭ śpiecyjalnym miedycynskim moduli budzie arhanizavana vakcynacyja ŭsich žadajučych suprać infiekcyi COVID-19. Lekavy preparat vytvorčaści «Hienierium» (Rasija) / «Biełmiedpreparaty» (Biełaruś) źjaŭlajecca kambinavanaj viektarnaj vakcynaj.
Pracedura zojmie mienš za hadzinu. Jana składajecca z papiaredniaha ahladu doktaram, padrychtoŭki preparata (razmarožvańnie), uviadzieńnia vakcyny i nazirańnia za vakcynavanym na praciahu 30 chvilin paśla pryščepki.
