Žurnalistku Tut.by Luboŭ Kaśpiarovič abvinavacili ŭ niesankcyjanavanym pikietavańni (24.23 KaAP). Jaje zatrymali ŭ piatnicu, 14 maja, pobač z Domam pravasudździa. Hetyja dni Luboŭ praviała ŭ IČU.
Sudovy praces išoŭ ceły dzień. U vyniku Luboŭ Kaśpiarovič pakarali aryštam na 15 sutak.
Nahadajem, 14 maja sud u Minsku pačaŭ razhladać vialikuju «spravu studentaŭ» — u joj 12 abvinavačanych. Kala budynka Doma pravasudździa sabralisia tyja, chto chacieŭ padtrymać maładych ludziej: ich svajaki, siabry, nieabyjakavyja biełarusy. Pracavali i žurnalisty. U zału pasiadžeńnia amal nikoha nie puścili. Usiaho kala budynka było nie mienš za 100 čałaviek. Milicyja paprasiła ich razyścisia, paźniej pačalisia zatrymańni. Siarod zatrymanych apynułasia i žurnalistka Luboŭ Kaśpiarovič. Jana rabiła materyjał.
Da suda Luboŭ Kaśpiarovič była zatrymanaja, hetyja dni jana praviała ŭ IČU. Ciopłyja rečy dla jaje nie pryniali ad svajakoŭ.
«Upieršyniu čuju, u čym mianie abvinavačvajuć»: u Minsku pačaŭsia sud nad žurnalistkaj Tut.by Kaśpiarovič
