Spravu razhladaŭ sudździa Andrej Mlečka. Bok abvinavačańnia padtrymlivaŭ prakuror Taratynka. Paciarpiełyja — Chomič, Dźmitryj Ahijevič, Andrej Śviadyš.
Prakuror Taratynka zajaviŭ, što vina Alaksandra Rajentava całkam dakazanaja pa ŭsich składach pradstaŭlenaha abvinavačvańnia.
Było dakazana, što Rajentaŭ byŭ administrataram čata «Palihon». Z pakazańniaŭ paciarpiełaha Chomiča vynikaje, što Rajentaŭ udzielničaŭ u niesankcyjanavanym masavym mierapryjemstvie 29 žniŭnia, a taksama kiravaŭ natoŭpam, pakazvajučy napramak ruchu.
15 listapada jon sustreŭsia z hrupaj hramadzian i prajšoŭ ź imi pa maršrucie i zatym vyjšaŭ na prajeznuju častku na vulicy Niakrasava. Na dysku z apieratyŭnaha nazirańnia vidać, što hrupa całkam zajmała prajeznuju častku, čym pieraškadžała ruchu hramadskaha transpartu.
Z analizu paviedamleńniaŭ čata «Palihon» zafiksavana raspaŭsiudžvańnie destruktyŭnaj infarmacyi.
Pakazańni śviedak, što Rajentaŭ nie zaklikaŭ ich da ŭdziełu ŭ niesankcyjanavanych masavych mierapryjemstvach, nie mohuć być pryniatyja sudom, bo asoby niekampietentnyja i akazvajuć sadziejničańnie Rajentavu. A adzin ź ich pryciahvajecca da administracyjnaj adkaznaści za ŭdzieł u niesankcyjanavanym masavym mierapryjemstvie.
«Z červienia pa śniežań arhanizoŭvaŭ hrupavyja dziejańni, jakija hruba parušajuć hramadski paradak, što vidać z taho, što jon arhanizoŭvaŭ zbor udzielnikaŭ šlacham raźmiaščeńnia paviedamleńniaŭ u čacie, kiravaŭ ich dziejańniami, mieŭ znosiny z udzielnikami niesankcyjanavanych mierapryjemstvaŭ», kaža prakuror.
Aktyŭna supraciŭlaŭsia z užyvańniem hvałtu: chapaŭ paciarpiełaha Ahijeviča 29 žniŭnia ŭ tralejbusie za pieradplečča, što vidać na videazapisie.
Prakuror prasiŭ pakarać Rajentava pa č.1 art 342 KK — pazbaŭleńniem voli na try hady, pa č.2 art. 363 — taksama pazbaŭleńniem voli na try hady.
Šlacham častkovaha składańnia pakarańniaŭ sudździa pryznačyŭ 5 hadoŭ u kałonii ahulnaha režymu.
Taksama spahnać na karyść paciarpiełaha Śviedyša 1000 rubloŭ maralnaj kampiensacyi.
