TASS
Pra heta paviedamiŭ žurnalistam pres-sakratar rasijskaha prezidenta Dźmitryj Piaskoŭ, piša RBK.
Padobnyja inicyjatyvy Piaskoŭ nazvaŭ «ŭnutryŭkrainskaj palityčnaj kuchniaj». «Nie viedaju, čamu prapanujecca ŭkrainskaha palityka vystaŭlać na abmien. Pytańnie, ci choča hetaha sam ukrainski palityk. Uvohule, heta dosyć niesfarmulavanaja ideja, naŭrad ci heta treba surjozna razhladać», — skazaŭ Piaskoŭ.
Pra ideju mahčymaha abmienu Miedviedčuka na asudžanych u Rasii hramadzian Ukrainy na minułym tydni kazaŭ sakratar Rady nacyjanalnaj biaśpieki i abarony Ukrainy Alaksiej Daniłaŭ. «Heta rašeńnie prymaje prezident Ukrainy. Ja dumaju, što kali budzie takaja mahčymaść, to my achvotna heta zrobim», — skazaŭ Daniłaŭ.
***
Viktar Miedviadčuk — kum Uładzimira Pucina (rasijski prezident — chrosny baćka jaho dački), adzin z najbahaciejšych biznesmienaŭ va Ukrainie (12-je miesca ŭ śpisie Forbes, $620 młn). Jamu vystaŭlenyja abvinavačvańni ŭ dziaržaŭnaj zdradzie i parušeńni praviłaŭ viadzieńnia vajny. U spravie jość try epizody: pieradača ŭładam Kryma materyjalnaj i dakumientalnaj bazy hazavaha radovišča ŭ Čornym mory; pieradača źviestak pra miescaznachodžańnie «sakretnaha vajskovaha padraździaleńnia Uzbrojenych sił Ukrainy» adnapartyjcu Tarasu Kazaku, jaki znachodziŭsia na toj momant u Rasii; stvareńnie arhanizacyi, jakaja, pa viersii śledčych, źbirała dadzienyja ukraincaŭ, vierbavała ich i raspaŭsiudžvała prapahandu.
13 maja palityka adpravili pad chatni aryšt da 9 lipienia, choć prakuratura nastojvała na jaho adpraŭcy ŭ SIZA.
